Corpus Van Reenen-Mulder (CRM14): Oorkonde P051p39202

Allen den~ghenen die desen brief suelen sien ofte huren lesen vrindelike g_t met ke_nisse der waerheyt vors_ suelen wete_ / dat wi k_aen van der rijte . lambrecht mathijs . Reyner der custur . Reyner van + den houte . Johan claes . Johan Reners ende henric clocluder Scepe_ van lu_men van buthen doen Cont ende tughen dat vor ons ende nijs van + den wigarde Richt_ ons here_ . heren Everarts van + der m_ke_ tsheren va_ lu_men chome_ es in p_p__en p_soen ende met sine_ eyghenne wille johan claes van schulenbroke op deen side / Ende joffr_ kath_ van brugge no_ne te herkenrode met hure_ ende des cloest_s momb_ op dander side / Die vors_ johan kendt en_ liedt vor ons dat hi heedt ghenome_ teghe_ di joffr_ dese g˚de tot ene_ eerf~cies die hijr na ghescreven staen alsulke als die g˚de gheleghen sijn / dats te + wete_ drie stucke_ eerfs / dat een stucke es een ente gheheythen nuwenlende en_ es houde_de een half bonre luttel myn ochte meer op sine_ gront~cies dat and_ stucke es een zille lants gheheyte_ die cator~zille op sinen gront~cies / dat derde stucke es een zille lants gheheythen bosghelant op sine_ gront~cies / weleghe erve wilneer was johans raetmekers van schulenbroke / och kendt die vors_ johan en_ liedt / dat hi teghe_ joffr_ kath_ vors_ heedt ghenome_ een zille bamps en_ een halve gheleghen int broke gheheyte_ nuwelende / en_ een zille bamps gheleghen acht_ die molen te lu_men ende een bonre lants in twe stucke_ gheleghe_ deen half bonre leedt op die heyde te lu_me_ en_ dander stuc leedt te schulenbroke acht_ arts squade_ op sine_ gront~cies / welege erve was wilneer henrics rode_ van schulenbroke / tot weleghen g˚de vors_ dese vors_ joffr_ met hoefs recht come_ es en_ gheliedt ov_mids ghebreke van ciese weleghe g˚de die vors_ johan heedt ghenome_ alst vors_ es teghen joffr_ kath_ vors_ om vijf gulden eerf~cies drie audt scilde goet va_ goude en_ swaer van ghewichte vor vire gulden in dese_ gherekent te betale_ te senter + ameys + misse alle jaer den cloest_ van herkenrode / welke cies wilneer plach te sine zesse gulden als die b_ve begripe_ daer dese brief doer ghesteke_ es welke g˚de vors_ dese vors_ johan eerffeleec ghenomen heedt om vijf gul_ en_ hem daer oec vor ghegheve_ sijn alst vors_ es / Des heedt johan vors_ ghesadt joffr_ kath_ en_ den cloest_ vors_ tot ene_ ond_pande des hi mechtich was te sette_ne ene_ gul_ eerf~cies aen vijftine roden lants gheheyte_ wouweenrode bi erve arts bogarts op deen side en_ bi erve henrics bogarts op dander side met vorwerden wert dat sake des niet sijn en mote / dat joffr_ kath_ ocht cloest_ ghebreke huer cies i_ den t_mine vors_ so soude die vors_ joffr_ kath_ och dat cloest_ vors_ met hure_ mo_b__ aenverden allen die g˚de die vorghenompt sijn vor vijf gul_ met de_ ond_pande ghelikerwijs alst der hof terecht steedt / als vor huer wetteghe erve / behoudeleec des here_ gront~cies en_ bede ghelike reyghenothen te betale_ wert dat sij queme_ tot desen g˚de vors_ / . hijr to ghedaen allen rechte_ ghewonte_ en_ solle_niteyte_ die sculdich sijn te geschie i_ ons_ banc in alsustenegher saken en~gheen p˚nt van recht after~ghelaete_ noch verghete_ in allen desen vors_ daer na dat ons banc te recht steedt / alle erghelijst ende nuwe vonde utgheslothen / Ender vorwerden begherde momb_ deser joffr_ en_ des cloest_s vors_ te hebben ene_ brief / ende johan vors_ wilcorde den brief / Ende om begheren en_ wilcore_ beyder p_tien vors_ / ende oec om~dat wi Scepe_ vors_ willen dat allen dese vorw_den vast en_ ghestedich blive_ so heb wi scepe_ vors_ in ene_ ghetuge_nisse ende in orco_den der waerheyt allen der dinghen die hijr bove_ ghescreven sijn onsen ghemeyne_ sieghel aen desen tgege_werdeghen brief ghehanghen / jnt jaer van der gheburten ons he_en dusent drie + hondert tneghentich ende twe des ierste dachs der maent Junij