Corpus Van Reenen-Mulder (CRM14): Oorkonde P051p39301

Allen den~ghene_ di desen brief solen sien en_ hoere_ lesen vrindelike gruete voers_ Met kinnisse der waerheit sole_ wete_ / Dat wi lambrecht Mathijs . Reyner va_ den houte . johan reyners . johan claes . heinric cloclud_e . Reyner op ghene strate en_ willem op ghene heyde schepene_ des lants va_ lu_men va_ bute_ doen cont en_ tughe_ / Dat voer ons en_ Nyse va_ de_ wigaerde richt_ ons h_en heren johans va_ der Marken tsh_en va_ lu_me_ comen es jn sinen p_pere_ p_sone en_ Met sine_ eyghene_ wille / Mijn here her aert va_ dyeste ridder en_ heeft Met sine_ ghelev_den Mombore aert de_ vryese_ op~ghedraghe_ den richt_ jn sijn hant tot sijns natuerlec soens behoef jonch_e joha_s en_ tot sijns wijfs behoef jofvrouwe katherinen dertene guldene erf~ceys di hi her aert becreghe_ hadde met ene_ wettighe_ cope jeghe_ heinric lodich vrancke_ sone aen dese ond_pande hier na volghe_de te seven staden Met deser vorwaerde_ so hebbe_ her aert voers_ en_ sijn Mombore op dese_ voers_ erf~ceys v_teghe_ also / dat jonch_e johan en_ sijn wijf joffrouwe katherina dese_ voers_ ceys niet v_cope_ en solen Mar behoude_ sole_ also langhe alsi leve_ solen / en_ storve_ si sond_ wettighe gheboert so sal dese voers_ ceys blive_ te h_en aerts naeste_ wettighe_ gherve_ / jn + den eerste_ heeft heinric bewijst aen Reyn_e va_ Meensele twe guldene en_ tene guldens g_te aen twe stucke_ beems gheleghe_ te vinnen op di dem_e bi di brugghe en_ bi erve _ma_s in den _avel / voert t_ and_ stat aen _man i_ de_ _avel / drie guldene aen twe stucke_ lants gheleghe_ te vinne_ aen di strate bi di brugghe bi erve der sarterosen en_ bi erve reyners va_ Meensele / voert ter derder stat twe guldene aen aelbrecht spapen aen drie sillen eusele gheleghe_ bi di voert daer Men te heenislake_ wert gheet bi erve h_en Michghiels kind_e en_ joha_nes nubeckers . voert t_ vierd_ stat aen claes scolmons ene_ gulden aen een halbuenre beems gheheite_ dat nulant en_ gheleghe_ te scoela bi erve sroeden kind_e en_ aen di voert te broec wart / voert t_ vijfd_ stat aen gheert bachuys veertene gulde_s g_te aen ene_ beemt es houde_de een halfbuenre en_ gheheite_ di kimpghete en_ gheleghe_ bi d_ ki_der va_ de_ vinne voert t_ sesder stat twe gulde_ aen agnese_ zekers huys en_ hof Met der toebehorde_ te scola gheleghen bi erve d_ kind_ va_ de_ vinne / voert t_ sevender stat ene_ gulden aen heinric boghaerts aen een halfbuenre beems luttel Min och meer gheleghe_ bi erve kerstinen enkens va_ attenrode jn + di welke voers_ ond_pa_de en_ ceys jonch_e johan en_ jan grut_e sijn Momboer sijn ghegoet en_ met allen den rechte daer toe come_ dat in deser zake_ sculdech was te gheschiene Met maenisse en_ vonnisse also dat jonch_e johan en_ sijn Momboer jan grut_e dese voers_ ghichte op~ghedraghe_ hebbe_ de_ richt_ in sijn hant en_ same_ daer op v_teghen hebbe_ te joffrouwe_ katherine_ behoef met manisse en_ vo_nisse / also dat joffrouwe katherina voers_ in dese voers_ ond_pa_de en_ ceys es ghedouwaret en_ ghegoet te hare_ behoef en_ te hare_ nacomeli_ghe_ och si were_ tusghe_ hare_ en_ jo_ch__e joha_ne voers_ en_ met allen de_ rechte daer toe come_ dat i_ deser zake_ sculdich es te gheschiene Met maenisse en_ met vo_nisse gheen poent acht_~ghelate_ noch v_ghete_ Met alsulker vorwarde_ als hi vore ond_sproke_ en_ ond_vorwart es / waert oech dat sake dat deser voers_ joff_ jaerlics niet gnoech ghedaen en woerde altoes te sinte Remeys va_ dese_ voers_ ceyse ocht bringher dis briefs va_ rechte te hare_ behoef so moghe_ si come_ en_ slaen haer hant also alst ghewoenlec es in di banc te lu_me_ tot desen voers_ ond_pa_de met alle_ d_ vorwaerde_ di h_ art voers_ jn sine_ brijef / heeft en_ deser vorwaerde_ begherde her aert voers_ ende jo_ch__e joha_ en_ oech joff_ kathe_ te hebbe_ ene_ brief / en_ wa_t si ene_ brief begh_en en_ wi schepene_ voers_ oech willen dat alle dese vorwarde_ voers_ solen vaste en_ ghestadich blive_ so heb + wi schepene_ voers_ jn enen ghetughenisse en_ jn orkunden der waerheit allen der dinghe_ di hier bove_ ghescreve_ sijn onsen ghemeine_ syghel aen desen jeghiwordighen brief doen hanghen / Ghegheve_ jnt jaer ons h_en doen me_ screef duse_t dri + ho_dert neghe_tich en_ drie teen daghe jn riesmaent