Corpus Van Reenen-Mulder (CRM14): Oorkonde P051p39701

Allen den~ghenen dy desen brief soelen siin en_ hoeren lesen vrindelike groete voers_ met kinnisse d_ waerheyt soelen weten dat wy lambrecht mathiis reiner van + den houte jan reiners jan claes heinric cloclud_e reiner claes custers soene en_ willem op + dy heide schepenen des lants van lu_pne van buten doen cont en_ tughen dat voer ons en_ aelbrecht spapen Meyer h_ jans van + d_ Marken here van arenberghe en_ van lu_pne coemen es C_tiaen van + den kampe en_ heet ghekint en_ gheliit dat hy vercocht den tsaterosen van selem iij veerdel van eenre sillen bams brabans~gher + mate_ lutel min och meer gheleghen op dy laec~beemde by eerve vaes van hunsem op dy een side en_ Jans van + den kampe op dy ander syde dese iij deel bams voers_ heet C_tian voers_ vercocht den tsaterosen voers_ sonder eynighen last ocht commer uvt~gheseet enen pinni_c tseys den h_e van lu_pne te gheven tsinte remeys + meesse jaerliicx dae es C_tian coemen voer + dy schepene_ voers_ en_ heet ghekint en_ gheliit dat hy waele betaelt es van desen iij delen bams voers_ des C_tian voers_ coemen voer + dy schepene_ voers_ en_ heet dese iij deel bams voers_ op~ghedraghe den richter in siin hant ter tsaterosen behoef voers_ daer es arnout van waenroede coemen als een ghichdregher d_ tsaterosen voers_ en_ es in dese iij veerdel bams voers_ ghegoet en_ ghe~eerft t_ tsaterosen behoef en_ es daer tuwe comen met maennisse des schoutete_ en_ vonnisse d_ schepenen vors_ en_ met al + den rechte daer tuwe coemen dat in deser saken sculdich was te ghesciene en_ egheen punt van rechte achter~ghelate_ noch vergheten en_ deser voerwaerden begherde arnout voers_ ene_ brief te hebben ter tsaterosen behoef voers_ en_ C_tian dy wilcoerden den brief en_ o_me begheren en_ wilcoeren beyde d_ partien en_ och omme~dat wy schepene_ voers_ willen dat dese voerwarde vaste en_ ghestedich sal blyven soe hebben wy schepene_ voers_ onsen ghemeyne_ syeghel aen desen jeghewordyghen brief ghehanghen jn + den jaere ons h_en doen Mer scref M ccc xcvij des sondaechs nae sinte hubrechs dach