Corpus Van Reenen-Mulder (CRM14): Oorkonde P055p39101

Cont siin allen luden die desen brief sullen sien ocht horen lesen dat es coemen een eersam en_ bescheyde_ man Aert die men seet h˚ebrechs van kermpt in sinen p_p__en p_sone voer gheert croech scoutit ende willem van + der huelst aert scoenart willem colen en_ willem zeelmek_e scepenen van kermpt en_ heet ghecant en_ ghelyet dat hy heet vercocht met enen wetteghen coepe eenre eersamer ende religioser Joffrouwen Joffrouwen Jutten van patt_en non_e des eerlijx covents van herkenrode . + iij + . guldene Jaerlijx en_ erflijx ceys dat es te wetene . + iij + . aude scilde voer . + iiij + . guldene aen ij boenre beemde luttel men of mee ghelegen int gherichte van kermpt acht_ tgoet van + den rake met der eenre syden aen pollarts bosch en_ met der ander siden aen des voers_ aerts heyewete om_e lxvj schils guldene dat es elleken gulden van + den . + iij + . voers_ Jaerlijx guldenen om_e . + xxij + . schils guldene . en_ soe wanneer die voers_ Joffr_ die voers_ lxvj guldene betaelt heet soe sal sy vyt denen ghelde weder~trecken en_ heffen . + iij + . guldene als voer ene_ ceys En_ dan voert te sinte Johans messe _ap___ten naest toe~comende soe sal der eerste ceys~dach vallen van + den voersc_ . + iij + . guldenen en_ dan voert allen Jaere erflijc en_ om_ermeer te sinte Johans messe bapten . voert meer soe es daer ghevoerwert soe wanneer die voers_ Joff_ Jutte van leven ter doet comen es dat dan Joffrouwe gheertruyt Johans hellinx dochter van aken die voers_ . + iij + . guldene Jaerlijx heffen en_ possid_en sal alsoe langhe als sy leeft En_ soe wanneer dat die voers_ Joffr_ beyde van leven t_ doet comen siin soe sullen die voers_ . + iij + . guldene bliven erflijc en_ om_ermeer den voersc_ covente van herkenrode en_ Jaerlijx aen die vigilien te herkenrode ghekeert en_ ghegheven werden van welegher voersc_ comenscap die voers_ Joffr_ Jutte ghegheven heet enen hollans gulden van lijcope voertmeer es daer ghevoerwaert dat die voers_ Aert mach binnen . + x Jaeren dese voers_ . + iij + . guldene bewisen aen enen and_en onderpant die allen Jaere weert were . + vj + . guldene moenten voers_ en_ die gheleghen w_e ond_ miinre vrouwen van herkenrode ocht van spalbeec ocht ond_ den here van kermpte en_ die niet betim_ert en si en_ daer mede sinen onderpant lossen altoes op des voers_ aerts cost en_ expen_ en_ sonder ergheliste weleghe voers_ . + ij + . boenre beemde luttel men ocht meer Die voers_ Aert met enen mo_boer op~ghedraghen heet in des voers_ scoutiten hant ten orber der voers_ Joffr_ en_ haers mo_baren tot ene_ onderpande der voers_ . + iij + . Jaerlijx guldenen en_ daer op verteghen met allen den rechte dat die voers_ scepene_ wijsden dat recht w_e behaudelijc allen voerwaerden die voers_ siin Op weleghen voers_ onderpant die voers_ Aert vernoemt heet . + ij + . d_ gront~ceys in alsulker voeghen wert dat daer meer last op vonden woerde dat die voers_ Aert dat af~doen soude nae der banc recht va_ kermpt voertmeer soe es comen willem snexken van kermpt voer + die voers_ scoutit en_ scepene_ als mo_baer der voers_ Joffr_ en_ heet ontfaen alsulken onderpant als die art op~ghedraghe_ heet in des voers_ scoutiten hant te orber voers_ en_ es daer in ghegoet als mo_boer voers_ met allen den rechte dat die voers_ scepene_ wijsden dat daer toe behoerde egheen poent van rechte in deser zaken achter~ghelaten gegheven jnt jaer ons h_en als men scrijft dusent drie + hondert en_ xcj de . + V daechs int even~maent Symon