Corpus Van Reenen-Mulder (CRM14): Oorkonde P057p37901

wi zuster katheline metter ghenade_ goeds Abdisse van h_kenrode van + der ordene van cystiaus doen cont allen die ghene die desen brief solen lesen dat bruder Jacob van montenn_ken ons gr˚et~meester met onsen c_sent ende wille ons c_vens orber ende profite heeft ghegheven vrouwe Aleit wief en_ amelis et en_ wouter kinders welnier wouters van + den lene van Rum_ene ons winni_ghe en_ hof van huldelinghe_ te pechters recht vyt~ghenome_ ons ciens ende capone met alsolker vorwarden dat die vorseide vrouwe en_ kinders solen dat lant van + den hove wale @ wettelijc winne_ en_ mesten te pechters recht ende alsoe laten alsoe siet vonden Dat es te wete_ ene t_mine van dat + me_ scrieft M . + iijc . + lxxix te halve_ mert tot twelf jaer lanc naest~come_de ende solen betalen van elken bonre . x . vaet Rogghen mate en_ pacht va_ sentruden en_ te sentruden te levere_ al jaer dese ghetoust durende op seint Andries dach des appostels en_ si solen dat lant laten alsoe siet vo_den ghesaet et ghemest dats te weten in Roghe~lant . iiij . bonre die met Rapen stonden daer solen wi hebben den halfen scoef ten jrsten jaer en_ ten lesten en_ wi solen hon ten jrste_ jaer en te lesten af~corten den pacht al jaer . v . mudde rogghen Jtem i_ die wende vinden seve_ bonre ghemest en_ die brake vinden si gheackert vte~ghenome_ . x . bonre die si alinc vonden Jtem dat lant van mamedi salen si hebben ghelijc alsoet wiet hebben en_ op dat recht die pacht betalen Jte_ solen si sculdech op horen cost al jaer iij bonre lants te merghelen al jaer Jtem salen si hebben desen ghetoust dure_de die weyde en_ bempde die tot dien hove horen al jaer om xx . clene gulden iij aude scilde voer iij gulden gherekent op seint Remeis dach te sentrude_ Jte_ solen si hebbe_ dien warmoes~hof binne_ moers tot horen warmoes behoef en_ solen alsoe laten also si den hof vonde_ dat es te wetene ene bonre en_ . iij . sillen met spelten besaet Jte_ solen si die ketel en_ Cupen laten i_ goede_ poent alsoe siet vonden Jte_ wi solen die husinghe van + den hoven houde_ in gode_ poent en_ si solen ons al jaer betale_ dese ghetoust durende xij . walme goet en_ ghelovech en_ si solen ons al jaer iij bonre stoppelle_ leveren die solen wi doen sicken en_ si solen die stoppellen in + den hof voren en_ si solen die boden teten gheve_ en_ die stoppellen en sal + me_ nerghens keren dan op die mure_ en_ husinghe Jte_ solen ons die win_en houde_ ene_ pechtenere te tobroede al jaer dese ghetoust dure_de Jte_ solen wi al jaer dese ghetoust durende in die hof van huldelinghe_ ene_ sceper met scapen en_ herde met verken legghen in + den oest alsoe te heere ghewolech es en_ die sceper en_ herde solen si toebroede gheven Jte_ solen si over ander jaer ons ene vart te kolen varen tot ludic in die stat van sentruden Jte_ solen die win_en ons betalen al jaer dese ghetoust dure_de vive en zeventech perskese goet en_ ghelovech alsoe die hof van~auts heeft betaelt Jte_ hebbe_ wi gheleent dien voerseide_ winne_ tien koye op viertech en_ vief gulden hellinc en_ elve ydel hoet~vees op twentech en_ seven gulden hellinc in aude scilde voer iiij gulden ghereken en_ solen al jaer van . ij . koyen een kalf op~houden Jte_ wi lenen hoen vj peerde en_ die besten waghen met sinen coppellen op vieftech en_ ij + gulden Jte_ vj peerde mette_ anderen waghe_ met sine_ toe~behoert op dertech gulden en_ sesse drie aude scilde voer iiij gulden gherekent Jte_ iiij voelne op twentech gulden Jte_ ene_ waghe_ tot vj . peerden . vj . plughe . iiij Eghede ene sleipe met iij trekel en_ hoer toe~behoert op vieftien gulde_ ende werde alsoet bove_ is bescreve_ Jte_ ene welle Jte_ in die clene scure salen si ons laten tussen die vier stiele daer die sonne slapen gheet wale ghelacht hoye wale ghewonne_ tussen die stile achtien hamer voet hoghe ghemete_ want wi dat hoye alsoe leverde Jtem solen si late_ in + de selve scure te Milen wart tussen die vier stile mette_ ulaten vol crutken wale ghewonne_ elf hamer voet hoghe allu_metum_e dat hoye en_ crutken ghetaxert op zestech gulde_ hellinc alsoe bove_ es ghescreve_ met alsolc vorwarden dat die win_en solen dat hoye weder gheve_ en_ die crutken op die mate voerseide wale ghewonne_ ghelijc reenghenote_ al erghelijst vtegheslote_ en_ wert dat sake dat si dat hoye en_ crutken met ongheval niet en hadden soe souden si met zestech gulde_ voers_ loesen Jte_ salen die winne_ hoer scape van hoy selve_ houden en_ wert dat die koye en_ besten storven soe soude wi te~same_ legghen toen ter tiet dat die stapel vol ware mar wert dat sake dat die besten en_ p_de verlore_ vorde_ met ongheval met orloghe so soude wi en_ ons meester dat ghelden tot goderle lide segghen die ons groet~meester daer toe kisen soude met swin_en c_sent mar wart dat sake dat die perde storwe_ met omgheval van hoers selve_ doet of anders met versomenisse van knechten dat die winne allene draghen altoes op swinne_ eet wert dat die meester woude oft wi Jte_ die ghast sal die winne onfaen ende maeltiet rekene mette_ meester op sinen eet altoes twentech maltiet op ene_ gulde_ hellinc bi ghenome_ wijn Jte_ solen die winne_ op onsen cost onfaen die capone en_ wi solen hoem doen tot goder + lide segghen Jte_ weer dat sake dat daer yman quame en_ dade overtollech cost dat soude + me_ rekene met goden lide_ op swinne_ eet en_ dat en_ soude + me_ niet rekene die maltiet van dien luden al erghelijst vtegheslote_ / Jte_ solen die winne_ hebben die tiende van coerswarme en_ van willen met allen sien toebehort nae dusage der kerken van ludic al jaer om seve_ en_ viertech mudde rogghe_ en_ . xxxiij mudde ghersten mate van sentruden en_ pacht wael + ghemacht van + de_ selve_ coerne met wan_e en_ met vlegel met alsolker vorwarden wart dat die rogghe ghebreec dat die winne_ ons betalen sal twe mudde spelten vter + tiende_ voer ene mudde op sine_ eet en_ si soelen ons betalen al jaer te kersmesse voer cruet en_ was desen t_mine dure_de vief gulden hellinc voert eest vorwarde dat die winne_ solen die rogghe leveren te sentrude_ en_ die gherste van + der tiende_ leveren te h_kenrode op hore_ cost vytghenome_ dat elc waghen sal hebben een waet gherste_ en_ die knapen van + den waghen solen gaen eten in gasthuus Jte_ sum_e van + den lande dat onsen hof toebehort hondert @ xvj bonre elf rode_ en_ vj clene come_ op hondert xlv . mudde vief vaet en_ @ rogghe bonre op . x . vaet gherekent met alsolker vorwarde_ dat die winne_ daer die rogghe ghebreec van + den lande_ al jaer ij . mudde spelten voer eene mudde rogghe_ oft ij . mudde gherste_ oft ene mudde erwiten oft ene mudde bonen al erghelijst vtegheslote_ Jte_ wi hebbe_ hon gheleent dri + hondert en_ neghe_tech hoep stroes alsoet vte den vleghel coempt mette_ cave dat solen si ons weder gheve_ ten lesten jaer alsi vtvaren die twe dele rogghe_ en_ dat teerdeel gherste_ stroe Jte_ die winne_ solen al jaer desen ghetoust durende acht + hondert eyer betale_ tot h_kenrode onsen kelnere en witte_donredaghe en_ hi sal jrst betale_ van paeschen over een jaer en_ dan ten leste_ jaer wan_ier si vtware_ solen tot die selve_ tiede in + de heyleghe weke acht + hondert eyere en_ wi leene_ hon desen ghetoust dure_de lxviij . honre en_ die solen si ons weder late_ ten lesten jaer en_ wi solen hon af~corten voer + die eyere een mudde rogghen al jaer ende jrst va_ en sente andries daghe naest~come_de Jte_ wi hebbe_ hon gheleent ene Emer en_ ene nuwe zeele op + den putte in + den coke ene banc in + de_ reefter ene langhe banc ene tafel ene knape_~tafel staende Jte_ . ij . Rische in + de scure Jte_ in + de reefter ene scaep Jte_ ene gode mite va_ orete_ en_ mest in + de_ messen solen si late_ alsoe siet vanden al erghelijst vtgheslote_ Jte_ wi hebbe_ hon gheleent seve_ cruke_ elc van twelf quarte_ Jte_ die winne_ sole_ dien gracht houde_ in gode_ poente en_ solen eghene bome af~houwe_ sonder der meesters wille noch die bome van + der win_e_ghe souke_ bute_ tiets en_ solen al jaer vieftech goder poet op hore_ cost setten Jte_ solen si den lantheere diene_ met waghen met sesse peerden wan_ier te doen es en_ wi solen hon al daghe sesse aude groet guldens ghelanch betalen en_ wert dat die peerde verloren worde_ in des heere_ dienst dat soude wi ghelde_ Jte_ si solen een hondertech poet sette_ en_ halen en_ die groet~meester sal die poete betalen Ende om + meerder sekerheyt hebbe_ die vrouwe en_ hoer kinders ons ghesat borghe_ en_ yghelijc van hon voer al willem van + den leene h_man van + den scelne Jan van + den leene willem van + den laere en_ willem die winne van mysinghen Art van + de_ laere en_ wouter die winne va_ Rome_ met alsolker vorwarde_ wert dat sake dat niet sijn en moet dat die winne_ in ghebreec were_ in eyneghe jaer va_ desen t_mine in ene_ alinghe pacht oft jaer~rent dats te weten va_ pacht van tiende_ en enich ghebreec bove_ bescreve_ en_ dat die borghen scaede hadden tot ene_ alinghe_ pacht so soude_ die borghen quiet sijn en_ souden in den hof come_ en_ soude_ ons levere_ waghe_ peerde koye en_ beste_ en cleynoet al alst bove_ bescreve_ es in die werde weder betale_ in ghelde oft in ware_ daer wi alre~jrst toe wilde_ kiesen en_ om eneghe va_ desen ghebreec hebbe_ die borghe_ voerwscreve_ ghelovet met trouwe_ in hant gerarts quade_ ons knape en_ meyer in stade van eede in te + ghaen tot bruste_ en_ daer ligghen teren in ene herberghe ten ter tiet dat ons ware ghenoech ghedaen al~so die vrieheit te recht steet en_ wi sole_ sijn sculdich die borghen ghelijc te mane_ en_ wert dat sake dat die borghe_ ene oft twe oft meer storven dan soude_ die winne_ voerscreve_ ons sette_ ene_ oft twe oft meer binne_ vier weken alsoe goede borghe_ als die ghene die ghestorven were_ al erghelijst vtgheslote_ va_ cleercscap of manscap oft vriheit van stede Jn ghetughenisse der waerheit so hebbe wi die Abdisse voerghenoempt voer ons en_ ons c_vent en_ wi wille_ va_ de_ leene en_ h_ma_ va_ + den scelne borghe_ voerscreve_ voer ons en_ medeborghe_ aeen desen brief der twe es va_ ene_ tenoer ons seghel aeen doen hanghen ghegheve_ in + den jaer ons heere_ alsoet bove_ bescreve_ steet