Corpus Van Reenen-Mulder (CRM14): Oorkonde P057p38401

Cont sij allen Lieden . . Dat wij zuster . . Katherine . . Abdisse en_ al Convent van herkenrode van + der Orden van Cystias dat Wij met rade ons_ ghemenen vrienden / en_ om orber ons Convents hebben verleent en_ ghegheve_ te win_ens recht . . Art en_ Johan kinder wilneer Arts pollarts van kermpt onsen hof en_ winninghen van kassalaer / tot ene_ t_mijn van . twelf . jaren . beghinnende te halfmeert dat + me_ scrijft . dusent drie + hondert en_ vier en_ tachtentich behoudelic onsen bossche cijns en_ capune_ / daer en solen sij gheen recht in hebben / en_ in dat clene gasthuys behouden wij oec te onsen behoef met alsulker vorwarden / dat die winne_ / die Scuren woninghen met horen toe~behoerten solen houde_ wale en_ wittelic in dake_ en_ in wende / also sij dat vonden in haer in~comen / Mar weert dat timmerwerc van hout ghebrake dat soude_ wij op onsen cost maken doen / Jtem hebben wij hen verleent dertien bonren bamden / alsoe haer vader plach te winne_ / mit hore_ toebehoerten / allen iaer om twee + ende + vijftich clene gulden ons te betalen half te sente Jans misse / en_ dander helicht te kersmisse / alle jaer desen termine durende / Jtem hebben wij dien winnen verleent al ons lant tot den hof horende / tot elken Art . Seven + en_ + dertich bonren / luttel min oft mere / mit wintercorne Somercorne en_ braken dat sij solen dat landt wale en_ wittelic winnen mit mest merghel . ende Ackeren te tide ende solen onsen en_ horen orber doen te winnens recht mit Alsulker v˚rwarden / dat dat coren en_ Allen vrocht wassende op dat landt in die_ sc˚re v˚eren op haren arbeyt en_ cost en_ solen die op_en betalen van + den ghemene_ coren / en_ wanneer ons coren sal werden ghedorschen / dat solen die winnen op ene_ kerf omsaen / ende dat op haren cost omsaen ende v˚eren ende arbeyt / in ons bachuys en_ dormter te herkenrode / en_ sij soele_ hebben horen cost / alsoet hevet ghewoenlec ghewest / al arghelist uteghesloten / en_ ten lesten iaer solen sij laten ons dat landt mit wintercoren / die wende gheackert ende die brake alsoet ghewoenlec es / ende sij dat vonden / mitten recht en_ loey van + de_ lande . Jtem hebben wij onsen winnen vors_ verleent / des_ terminen durende . twe hondert g˚eder scapen in owen hamelen en_ ghellinghen / desen termine durende / Ende die solen sij ons en_ hen v˚eden / Ende die wolle / en_ wt~doen soele_ wij allen jaer deylen nae dusage van + den lande / En_ wij en_ die winne_ vorsc_ solen allen iaer die wulle ende wtdoin uten hove doen / Jtem hebben wij den vorsc_ winnen verleent des_ t_mine durende . drie + ende + twentich g˚eder k˚eye draghende daer af solen die winnen ons en_ hen voerv˚eden . twelf . calver allen jaer solen en_ daer af solen sij die Scepen van Sintr˚den ocht den h_en enen calf gheve_ Jtem hebben wij hen verleent . dri + en + twentich besten van alrehande jaren op neghen + en_ + vertich clene gulden / drie auder scilde voer vier gulden gherekent . mit alsulker vorwarden . dat die winnen vorsc_ solen ons ten lesten jaer die besten . scapen waghen en_ perden en_ coeyen weder betalen te g˚eder liede segghen / die wij en_ sij solen kyesen al erghelist ute~ghesloten / En_ sij solen hebben allen jaer te hub_tinghen in ons tiende / twe + hondertich hopen stroes / Alsoe sij en_ ons winne_ hebben van~Auts ghehadt Jte_ solen die winnen eest dat ons en_ hen ghen˚echt meer scape_ en_ coeyen voeden / desen termine durende / Jtem hebben wij die winne_ vorscreve_ gheleent / onsen mesten~waghen mitten . Sesse perden / op acht + ende + vertich clene gulden moenten als vorsc_ es Jt_ den And_en wagen mit . Sesse perden / op Sesse + en_ dertich gulden gherekent / monte_ vorsc_ / Jte_ hebben wij hen verleent / . vier . ploech / en_ een saetploech met hore_ toe~behoerten / op . vijf . clene gulden . monte_ vorsc_ . Jte_ die vorsc_ winne_ solen ons allen jaer te sente Johans misse / op hare_ arbeyt ende cost . twe + hondert perkese_ en_ twe + hondert haute kesen g˚et en_ ghelovich / betalen alsoe die hof van~Auts heeft betaelt . Jt_ eest ondersproken . wert dat binne_ desen t_mine van twelf . jaren vors_ durende / enich scade van Sterft van Scapen en_ besten quame / die Scade souden / wij en_ die winne ghelijc draghen nae dusage van + den lande / Jt_ die winne_ soelen dese termine durende / hoer loken neme_ / aen die widen / en_ solen Allen jaer . twe + hondert pote sette_ wassende / En_ sij en soelen en~gheen eyken hout Sleynen noch Suuken . en weren Aude eyken / die van~Auts ware_ ghesu˚ct / En_ si en sole_ en~ghene hout of te Aude Bome_ houwe_ sond_ des groetmesters wille . Ende weert dat die mester / hen oerlof gave soe souden sij alle weghe_ twe bome_ daer voer setten / En_ Allen jaer te hore_ bacv˚er te hulpen . hebben . drie miten rijs van + den groten / mest_ . Jt_ eest ons wille . waert dat die winne_ wolden die dries van + den goede breken / eens oft twewerf / daer Soude_ sij die vrocht allene hebbe_ / mar waer dat Sij die dries ten derde + male braken / dan souden wij die vr˚cht van + de_ derde + male half hebben al arghelist utegheslote_ / En_ weert dat zake dat in + die dries enich houte ute spronghe of wies / en_ dat die groetmest_ / wolde daer af maken bossche . dan soude die groetmest_ van + den winne_de lande / dien winne_ ter minst_ scaden / alsoe vele weyden bewisen . Jt_ weert dat die winne yman dienden met hare_ waghen in noetsaken / so soude_ wij hem allen daghe hem betale_ / ene_ halve_ clene_ gulde_ . Jt_ ten lesten jare te halfmeert . wanneer sij ute sole_ varen / soelen die winne_ al dat voeder stroe . hoeye en_ crutken / van onsen goede come_de / in ons Sc˚re late_ / ende daer mede soelen sij volvoedert hebben te halve_ meert / En_ om meerre sekerheyt so hebbe_ die winne_ hoer trouwe . haer lijf . hore goede ghereet en_ onghereet . dat sij hebben ocht moghen vercrighe_ / mechtichlec verbonden . en_ opghedraghen tot onser behoef / Ende yghelic van hen voer al / alle Arghelist utegheslote_ met alsulker vorwarde_ weert dat wij wolden / die winne_ vorsc_ soude_ ons wale dese vorwarde_ versekeren mit goeden Arve / of mit borghen / binne_ vertin + nacht nae ons verz˚eken / en_ op hare_ cost / En_ wij Abdisse voersc_ hebbe_ aen desen brief onsen zighel doen hanghen / en_ wij Art Johan ghebr˚eders / winners voersc_ . kennen en_ lien dese vorwarde_ vorsc_ / en_ gheloven + se wale en_ wittelic / te houde_ / in goeder trouwe_ / En_ bidden h_en Johan p_soen van kosen van + der ordene_ van p_monstreyt en_ h_en Johan p_soen van wilre / dat sij om ons_ bede_ wille / hore_ zighele_ hier ane doen hanghen / En_ wij her Johan p_soen van cosen / en_ Johan p_soen van wilre hebben om bede_ der p_tien vors_ onse_ zighel hier ane doen hanghen . jn ghet˚ghenisse der waerheyt . Ghesc_ en_ ghegheve_ / in + de_ jaer ons h_en dusent drie + hondert en_ vier + ende + tachtentich te halven meert