Corpus Van Reenen-Mulder (CRM14): Oorkonde P057p39301

Allen dien~ghenen die desen brief sien solen of horen lesen Henric Borghelijns Scoutet ende scepen Johan van peelt Johan smeets Lambrecht witvoet Lambrecht caeden ende Johan goet~knecht cuper tot herkenrode Scepenen der banck des Dorps van Curinghen ken_isse der waerheit met g_ten wilt weten dat voer ons comen sijn in p_peren p_soenen Johan van + der molen en_ geraet sijn soen ende hebben bekant dat si met wettighen vercopenisse vercocht hebben br˚eder Gerit van Swolle twee guldene erf~cheyns Drie aude scilde voer viere guldene gerekent jaerlijc en_ erflijc te sinte Remeys + messe te betalen br˚eder gerit vorscr_ also langhe als hi leeft ende leven sal ende na doet br˚eder gerits vorsc_ der Pytancien tot herkenrode erflijc te betalene in den hoghetide van sinte remeys + messe Ende te nemen en_ op te hauden aen een bonre bampts gelegen in acxrake tusschen erve kenens droems en_ Johans cupers wonende in + den beelc op beyden siden en_ aen een half bonre ackerlants gelegen in een beloec aen die strate tiegen heynen lem_ens te sullincsrode tusschen erve des~selfs heynens lem_ens en_ henrics wouters op beyden siden Jn voeghen en_ manieren so woe brueder gerit of der pytancien vors_ des cheys vors_ gebreke in + den t_mijne vors_ Dat br˚eder gerit of die pytancie vorscr_ denen onderpant vors_ aen~veerden moghen en_ h˚n daer mede behelpen gelijc h˚n ons hoef wisen sal ende daer tenden na opdraghen en_ vertienisse Johans van + der molen en_ Geraets sijns soens vors_ hebben wy brueder Gerit vorscr_ te sijne_ behoef en_ ter pytancien behoef vorsc_ met Geraet caeden als momboer des Convents vorscr_ in die twee guldene erf~cheys ende in + den onderpant vors_ gegoet en_ geerft met banne ende met allen anderen feesten in onsen hoef sculdich te gescieden van rechte en_ van ghewoenten behaudelic alremallijcs rechts Jn orkonde der waerheit so hebben wi onsen ghemeynen Sigel ons scepens~stoels aen dese_ brief doen hangen in ghet˚ychscap der zaken vors_ Gegeve_ in + de_ jare ons H_en Dusentich dri + hondertich neghentich ende drie neghen en_ twintich daghe in + den Mey