Corpus Van Reenen-Mulder (CRM14): Oorkonde P065p31801

Alle den ghenen die dese lettren zelen zien ende horen lesen / wij heinrec de burs_e ende Gheerem de Coninc scepenen van brussele salut en_ kennisse der waerheit Cont Sij allen dat vor ons ziin comen Marie die wilen wijf was gossewinus vten porckine in deen zide En_ lijsbeth hare docht_ Met janne den wer_e haren Man alse met haren montbore in dander zide En_ zin ondereffent en_ gheaccordeert vnderlinghe van alle den tebatte en_ tviste die Sij vnderlinghe hebben g?ehad in wat Manieren dat gheweest heeft / Mids den vorwarden die hir na volghen en_ bescreuen staen / dats ?e + uerstane / dat de de + vorghenoemde jan en_ lijsbeth zin wijf zelen hebben en_ heffen na de doet der vorghenoemder Mar?n . vijr hondert pont / den groten tornoisen penninc van der Munten des coninx va_ vrankerike ouden . goeden en_ paiablen ou_ achtiin pe_ninghe gherekent ochte de + werde daer af in andren goeden paim_te jn dien dat de + vorseide lijsbeth ochte witteghe hoir van hore en_ van janne horen Man bliuen leuende na de doet der vorghenoemder Marien / want waer dat zake dat de de + vorghenoemde lijsbeth zonder hoir storue eer de + vorseide Marie hore moeder / zo + ne zoude de + vorseide jan / de vorghenoemde vijr hondert pont niet heffen noch negheerrehande goe? Ende alst alsoe gheuiele dat jan en_ zin wijf ochte hore hoir hieuen de vorghenomde So_me van penninghe / zo + ne zouden zij na de doet der vorghenoemder Marien noch deilen noch in~bringhen Maer waer dat zake dat Sij deilen wouden / sij mochtent doen En_ dan zouden zij deilen ghelijc dat sij sculdech waren te deilne En_ dit heeft de + vorseide Marie gheloeft te + doene / den vorseiden janne en_ lijsbetten zine_ wiue en_ vast en_ ghe?ade te + houden_e zonder enech ghebrec ghelijc dat vore bescreuen es En_ hier + mede heeft de + vorseide jan vore ? en_ vore ziin wijf lijsbetten q_te ghescouden / de + vorseide Marie van alle der huweleker gheloeften . en_ vorwarden die die Marie den vorseiden janne en_ zinen wiue ochte eneghen va_ hon beiden hadde gheloeft in hu?elik_ vorwarden / Bekinnende dat he_ van alle desen gnoech es ghedaen Jn + dewelke orkenscap wij de + vorseide scepene_ onze zeghelle ane dese lettren hebben ghehanghen Ghedaen jnt jaer ons + h_en alse me_ screef dusentech . drie + hondert en_ achtiene i_ palmzonauonde op den lesten dach van d? maent va_ merte