Corpus Van Reenen-Mulder (CRM14): Oorkonde P065p32102

Dat si cont allen den ghenen die dese lett_e selen sien . ochte horen lesen dat arnout de + cousmek_e heft vercreghen ene hofstat die men houd van den witte + ionfrouwen van der ordinen van sente victoers van parijs die buten sente katelinen porte te brusele wonecht sijn . dese voerghenoemde hofstat es gheleghen an de + porte van der tauelronden . voert dese voerghenoemde hofstat heft die voerghenoemde arnout vercreghen deen hellecht jeghen heren arnoude den clieuere . ende dander hellecht jehen willem teken . dese voerghenoemde hofstat die de + voerghenoemde arnout heft vercreghen jeghen den voerghenoemden arnoude den clieuere ende willeme teken . dese dicwile ghenoemde hofstat . houd men van den voerghenoemden witte + ionfrouwen op alse selken tsees . alse daer wt gheet . voert soe heft de + voerghenoemde arnout de cousmekere . dese voerghenoemde hofstat erflech op . + v . s_ tsaers alse selc gelt alse men gheft van den seluen goede . dese voerghenoemde hofstat die men houd van den voerghenoemden witte + ionfrouwen daer op heft de zielmesse van molenbeke iiij s_ tsaers alse selc gelt alse in borse gheet . Ende ter + kerken ten sacbrued_en jn den stenwech . ij . s_ oech alse selc gelt alse in borse geet . Voert soe heft de + priorinne ende tcouent ghecocht die selue (onleesbaar) (onleesbaar) (onleesbaar) jeghen den voerghenoemde_ heren arnoude den clieuere op die selue hofstat die de voerghenoemde arnout houd van den voerghenoemden witte + ionfrouwen op . v . s_ al dese voerghenoemde tsens valt te kerssauonde te te geldene . voer van allen testame_te ende van allen tsense es hi quite merten tsise die hier voer ghenoemt es . voert ouer dese voerwerde was . willem van beckesele alse laet en_ heinman de rademek_e alse laet en_ jan de + lepelmek_e alse laet en_ meest_ gilijs tsmeet en_ jan va_ heinbeke alse laet . om~dat dit goet ende ghewarech es . soe hebbe_ wi priorinne en_ co_ue_t ghemeinlech onse zeghelle dar ane ghehanghe_ in kinnessen der wareit . Dit was ghescreue_ (onleesbaar) (onleesbaar) (onleesbaar)