Corpus Van Reenen-Mulder (CRM14): Oorkonde P065p33701

Cont si allen lieden dat wi amelrec de pape en_ Jan de wedeghe husarmeest_e va_ sente goerx beki_ne_ en_ belien dat wi ontfaen hebben va_ eu_arde va_ eldeb_ghe en_ Jonfrouwe_ mag_te sine_ wiue ene somme va_ ghelde waer + mede wi v_creghen hebbe_ en_ ghecocht . xlv . s_ tsiaers erffelec borseghelts op een hws en_ hofstat gheleghe_ op de hoeghstrate op welke hofstat ghete_mert heeft art de tyecheldeck_e va_ vorst altoes te tien tide_ van den Jare te + gheldene deene helecht tsente Jans messe en_ dand_ helecht te kersauo_de te gheldene en_ alsoe vort va_ Jare te Jare te gheldene / also dat van desen vorghenoemde_ . xlv . s_ de vorgheseghde husarme va_ sente goerx heffen selen . xx . s_ tsiaers erffelec te dien selue_ tiden dat vorghesproke_ es . En_ de . v . s_ sal Jaerlix heffen onser vrouwe_ feeste va_ sente goerx . En_ dandre xx . s_ sal Jarlijx heffen de vorseghde eu_art en_ jonfrouwe Mag_te sijn wijf te harre beider liue ochte tote ane dire tijdt dat si + se besette_ ochte_ bewisen daer si willen . Jn ki_nessen der waerheit hebbe wi der voerghenoemder husarm_ zeghel va_ sente goerx ane dese Jeghew_deghe lett_en ghehanghen . Dit was ghedaen Jn + tiaer here_ doe men screef . M . + ccc . + en_ . + xxxvij . sdonderdaghs na sente pauwels dach - -