Corpus Van Reenen-Mulder (CRM14): Oorkonde P065p34302

Cont si allen lieden / dat wi arnout Cureit jn den wijngart ten beghinen bi bruesele En_ viere p_ncipale meest_ssen des vorseids hoefs / en_ gheertruut van Campenhoue meestersse der kisten jn den vorseiden hof / gheloeft hebben en_ ghelouen vore ons ende onse nacomelinghe alse meestersse der kisten vorseit / ten tide nv / ochte die namaels ten tide wesen selen heren wille_me van duuenvorde h_e van oesterhout Ou_mids vijf scellinghe g_te jaerlijcscher Renten die hi ons bewijst heeft jaerlijcs op te heffene en_ tontfane ane die huse~arme~meesters van Sente guedilen van welken vijf scellinghen g_ten vorescreuen wi jaerlijcs wi vte~gheuen selen te pietancien te broede en_ te spijsen / den maten joncfrouwen die der kisten behoeuen alle weken o_me doelachtech te sijn ane alle hare bedinghe en_ penitentien En_ kinnen op ons en_ onse nacomelinghe meest_sse van + der kisten vorseit gheuielt dat niet wesen en moet / dat wi niet en daden alse vorscreuen es alsoe verre als ment wetteleke op ons beproeuen mochte dat wi dies jaers naest volghende niet hebben noch op~heffen en mochten van den vorseiden vijf scellinghe g_ten jn negherre manieren / jn orconscape der waerheit soe hebbic arnout Cureit vorscreuen dese lett_e beseghelt met minen seghele / Ghegheuen jnt jaer ons h_en Dusent drie + hondert Drie en_ viertech op Sente dyonijs auont -