Corpus Van Reenen-Mulder (CRM14): Oorkonde P065p34303

Cont si allen lieden / dat wi Claus mayhu / en_ jan mattaert huse~aerme~meest_e van d_ Capellen buten den mure van bruecele / gheloeft hebben en_ ghelouen vore ons / en_ onse nacomelinghe / alse huse~aerme~meest_s ten tide nv / ochte die namaels wesen selen / h_en wille_me van duuenvorde h_e van Oesterhout / Ouermids viere en_ twintech scellinghe grote jaerlijcscher Renten / die hi ons bewijst heeft jaerlijcs op te heffene en_ tontfane ane die huse~arme~meest_s van sente guedilen / van den welken viere ende twintech scellinghe g_te vorscreuen wij jaerlijcs deylen selen en_ gheuen jn alre zielen daghe / te Rocken / den alre~armsten / en_ noettorfsten van d_ Prochien van d_ capellen / o_me euweleken vor hem te biddene / En_ kinnen op ons / en_ onse nacomelinghe alse huse~arme~meest_s / ghevielt dat niet wesen en moet / Dat wi niet en daden / alse vorscreue_ es / alsoe verre alse ment wetteleke op ons beproeue_ mochte / dat wi dies jaers niet hebben noch heffen en mochten jn negheerre manieren Jn orconscape der waerheit bezeghelt met onser huse~armer zeghele / Ghegheuen jnt jaer ons heren Dusent / Drie + hondert / Drie en_ viertech op sente dyonijs auonde - - -