Corpus Van Reenen-Mulder (CRM14): Oorkonde P065p34305

Cond si allen den ghenen die desen brief zullen zien ende hoeren lesen dat wi ghiisbrecht taye Ende Engbrecht van + den spieghele huusarmeisters van sente guedelen gheloue_ uor ons en_ onse nacomelinghe huusarmeist_e ten tiden nv . of die namaels wesen sullen / h_en wille_ van duuenvorde h_e van oesterhout ouermids vier pond g_te jairliicster Renten die hi ons ghegheue_ en_ bewijst heeft op goeden zekeren pand en_ dien wi Ontfaen hebben van welken vier pond g_te wi jairliics deilen zulle_ . twee pond g_te jn alre zielen daghe te Rocken en_ Een pond g_te op den selue_ dach in scoenen en_ in hemden en_ dat vierde pond g_te te deilen te korsauonde in vleische ende in broede En_ kenne_ op ons en_ onse nacomelinghe huusarmeisters gheuielt dat niet wesen en Moet dat wi niet en daden alse voirscreuen is alsoe verre als + ment wittelike op ons beproeue_ mochte dat wi dies jairs niet hebben noch heffen mochten . jn orconde der wairheit bezeghelt met onser huusarmer zeghele Ghegheuen jnt jaer ons h_en . dusent drie honderd drie en_ viertich op sente dyoniis dach .