Corpus Van Reenen-Mulder (CRM14): Oorkonde P065p34306

Allen den ghenen die dese lett_en selen sien en_ horen lesen / ghisebrecht taye / en_ jmbrecht van den spieghele saluyt en_ kinnesse der waerheit / Cont si allen want Een mechtich man her willem van duuenvorde / here van Oesterhout / ghecocht heeft / goede / en_ die hi betaelt heeft en_ vergouden met sinen Eyghenen penninghen / De~welke / goede / wij van sinen weghen ontfaen hebben en_ daer toe Comen sijn met rechte en_ met vonnesse / jn wat manieren dat die goede gheleghen sijn / te bestadene / te gheuene / en_ te bekeerne / erffeleken en_ euweleken jn die Eere gods / ghelijc alse die brieue in~hebben die + re op ghemaect sijn / Soe ghelouen wi vore ons / en_ onse nacomelinghe alse huse~arme~meest_s van sente guedilen in bruecele / ten tide nv / ochte die namaels ten tide wesen selen / dat wi jaerlijcs / euweleken en_ erffeleken van den vorseiden goede gheuen selen / jn name alse huse~armeest_s vorscreuen / tere Capelrien / die her willem van duuenvorde vorseit ghesticht en_ gheordineert heeft jn die ere gods / binnen sire woninghen gheleghen naest Godeuerts van mons husinghen opwaerts te Coudenberghe / twee en_ twintech scellinghe grote / Die ene helecht te kerssauonde / En_ dand_e helecht / tsente jans messe baptiste jn midden~zom_e / Dats te v_stane / lande ghelike vore Elc pondt grote / Dertien scilde / en_ een derdendeel van Eene_ scilde / ende elken penningh grote / vore Dertech pe_ninghe / En_ elc pont g_te vore Dertech Pont / Met sulker vorwaerden / ware dat sake dat gheviele dies niet sijn en moet / dat alselke goede / alse wi ontfaen hebben jn name alse husearme~meest_s van h_en wille_me van duuenvorde vorscreue_ / Ergherden / ochte te nieute ghinghen jn wat manieren dat ware / soe soude die Capellaen / die de vorseide Capelrie hebben ochte verdienen soude / Dien scade hulpe draghen Ponde ghelike / Oec met sulker conditien ware dat sake / dat die Capellaen die de Capelrie vorscreue_ hebben / ochte v_dienen soude / niet en diende / noch en dade alse hi sculdech ware te doene / en_ men oppenbare / fauten / en_ ghebrec in hem vonde / dat hi dies jaers niet opheffen / noch ontfaen en sal van dien vorseiden ghelde / ane die vorseide huse~arme~meest_s die nv sijn / ochte namaels ten tide sijn selen jn ne~gheerre manieren / jn Orconscape der waerheit beseghelt metten seghele der huse~arm_e van sente guedilen vorscreue_ Ghegheuen jnt jaer ons h_en / Dusent / Drie + hondert / Drie en_ viertech / op sente dyonijs dach .