Corpus Van Reenen-Mulder (CRM14): Oorkonde P065p34307

Cont si allen lieden dat wi ghisebrecht taye / en_ jmbrecht van + den spieghele / gheloeft hebben en_ ghelouen jn goeden trouwen vore ons en_ on? nacomelinghe alse huse~arme~meest_s van sente guedilen in bruecele ten tide nv en_ namaels ten tide sijn selen / te gheuene en_ te betaelne erffeleken en_ euweleken den kerkemeest_s van + der kerken ende van + d_ fabriken van sente guedilen in bruecele / die nv sijn / ochte namaels ten tide wesen selen / viere / Scelli_g grote siaers te gheuene ghelijc dat die brief in~hout die + re op ghemaect es / dene helecht te kerssauonde / en_ dander helecht te sente jans messe jn midde_~zom? dats te verstane lande ghelike / vore elc pont grote dertien scilde en_ een derdendeel van ene_ scilde / en_ elken pe_ningh grote vore dertech pe_ninghe / en_ elc pont grote vore dertech pont / van alselken goede alse ons een mechtich man her willem van duuenvorde h_e van oesterhout ghecocht heeft / ende met sine_ eyghene_ pe_ninghe_ betaelt heeft en_ daer wi m_ Rechte ende m_ vonnesse toe come_ sijn / jn wat manieren dat die goede gheleghe_ sijn / En_ ware dat sake dat gheuiele dies niet sijn en moet / dat alselke goede / alse wi ontfaen hebbe_ van h_en wille_me van duuenvorde vorscreue_ / ergherden ochte te nieute ghinghe_ / jn wat manieren dat ware / zo souden de vorseide kerkemeest_s van + der kerken en_ fabriken weghe_ voreghenoemt die Scade hulpen draghe_ ponde ghelike / Voert ware dat sake dat die vors_ kerkemeest_s die nv sijn ochte namaels ten tide sijn selen jn ghebreke waren van eneghe_ pointe te doene ghelijc dat de brief in~hout die de vorseide kerkemeest_s metter Capittelen seghele van Sente guedele_ in bruecele daer af beseghelt hebbe_ . dat si dies jaers naest volghende niet op~heffen noch op~boren en selen van + den vorseiden ghelde in ne~gheerre manieren / jn orconscape der waerheit beseghelt mett_ huse~armer seghele van sente guedilen voreghenoemt ghegheuen jnt jaer ons heren Dusent drie + hondert viertech en_ drie op sente dyonijs dach -