Corpus Van Reenen-Mulder (CRM14): Oorkonde P065p34308

Cont si allen den ghenen die dese lett_en zien sele? ocht horen lesen / Dat jc amelrijc vederman bekinne En_ belie met desen jeghew_deghen brieue dat die drie dachwant lants gheleghen buten sente gudilen porte / dat men gheet te ophem wert / jeghen~o?er den wijngart reyn_en eggloys wilen was / Die jc willeme van mere sone wilen was wouters van den viuere / ghegheuen hebbe te Erue / jarlijx om neghen pont paymints / En_ om twe capun? / Dat hi willem vorseght die drie dachwant noch te houdene heeft En_ te hebbene van kersau?nde naest toe~comende ouer vijf jaer jeghewelcs jars om sesse pont paymints En_ om twe capune En_ dat ou_~mids jarscaren die hi ane dit lant va_ vore hadde doen hiit jeghen mi te Erue nam / jn orconde van welken dinghen jc dese jeghew_deghe lett_en bezeghelt hebbe met minen p_peren zeghele jn kinnessen der waerheit / ghedaen jn jaer ons h_en alse me_ screef dusentech drie hondert viertech en_ drie des anders daghs van der maent van decembre