Corpus Van Reenen-Mulder (CRM14): Oorkonde P065p34801

Cont si allen lieden die dese lettere_ selen sien ochte horen lesen dat wi gilijs van clint en_ jan van meerbeke huusaermeestre van + der prochien va_ sente goedelen in brusele hebben ontfaen van matheuse van leefdale en_ oeden ? liefoechs dochter sine_ wiue een huus metter hofstat geleghen in de nouwe strate achter jans woninghe_ van beerte aldernaest peters mandemakers husen gelijc scepene~lettere_ in~hebben die daer op ghemaect sijn waer bi wi huusaerme~meestre vore~ghenoemt kinne_ ende belien vore ons en_ vore onse nacomelinghe huusaerme~meestre ten tiden alse van + der huusarmer weghen / onser vrouwe_ van sente goedelen te haren werke tiene scellinghe tsiars ewelike en_ emmermeer alselcs gelds alse ten tide van geldinghen altoes te kersauonde ghemeinlike in borsse sal gaen op dit vore~ghenoemde huus metter hofstat na de doet des voreghenoems matheus ende oeden sijns wijfs Ende omme sekerheit en_ vastheit derre dinc / soe hebbe wi huusaerme~meestre vore~ghenoemt die beseghelt alse van + der huusaermer weghen met haren segele in kinnessen der waerheit / Ghedaen int jaer ons here_ doe + me_ screef dusentech drie + hondert en_ acht + en + veertech op sente bonefatius dach -