Corpus Van Reenen-Mulder (CRM14): Oorkonde P065p34802

Cont si allen den ghenen die dese lett_en selen sien en_ horen lesen dat wi willem va_ niuele jan daneels en_ jan zoete_ prouisore_ der bruderscap sente loys in brusele hebben ontfaen va_ alite_ van meerbeke en_ wille_me va_ viluorden hare_ man ene_ scepene_~brief van brusele van viere en_ vijftech scellinghe_ eerfeleke jaerlik_ reente_ alselcs gheels alse in borsse sal gaen te_ t_mine_ dat valt . gheleghe_ in waermoesbroec boue_ den orsendalborne neue_ wouters goet ser pet_s . waer + bi wi p_uisor__ vore~ghenoemt kinne_ _ belien vore ons en_ vore onse nacomelinghe_ in desen dienst alse va_ der bruderscap weghe_ sente loys der keerke_ van sente goedele_ ten werke na alite_ lijf va_ meerbeke vore~ghenoemt seuene en_ twentech scellinghe alselcs ghelts alse men heffen sal van den va_ de_ voerseiden seinse erfeleke en_ emm_meer op dat selue goet te heffene en_ te hebbene . Ende om vastheit en_ sekerheit derre dinc hebbe wi p_uisore_ vore~ghenoemt dese lett_en beseghelt alse va_ der bruderscap weghe_ sente loys met hare_ seghele in kinnessen der waerheit . Ghedaen in jaer ons here_ doe me_ screef . M˚ . ccc˚ . en_ . xlviij . jaer in sente goercx daghe .