Corpus Van Reenen-Mulder (CRM14): Oorkonde P065p35001

Cont si allen lieden dat wi heinrec Esselen . Matheus van leefdale En_ jan soete_ / huusarme~meest_e der prochie_ van sente goedelen in bruesele hebben ontfaen ter huusarmer behoef vorseit Van joncvrouwen lijsbetten wilen dochtere was heinrecs scats Terdendeel van seuend + alf buendere_ lants / Gheleghen te woluerte_ / ghelijc scepene_~brieue spreke_ die + re op ghemaect sijn / Van welken goede wi vorseide huusarme~meestre ghelouen te gheuene vore ons en_ vore ons nacomelinghe huusarme~meestre van + der huusarmer weghen vorseit van desen goede voreseit / En_ van enghene_ anderen goede / dat die huusarme houdende sijn te ons_ vrouwen werke van sente goedelen / twee sister rox pacht~rox erfeleec En_ euweleec tsiaers / te kersauonde te ghildene En_ te betaelne / Met alselker vorwarden / waer dat sake dat dit goet iet argherde / Oft scade Oft cost daer af hadden de vorseide huusarme / En_ hen altoes tsiaers niet en bleue te hare_ dele Een mudde rox boue_ haren cost / dat sijt dan souden helpe_ voldoen ghelande ghelike / den vors_ huusarme_ hare mudde rox tsiaers / / Jn kennissen der waerheit hebben wi huusarmemeest_e vors_ dit bezeghelt van + der huusarmer wegehen met der huusarmer zeghelle vorseit / Ghedaen jnt jaer ons h_en alse + men screef / Dusentech / Drie + hondert Ende viftech / jn sente jacobs auonde -