Corpus Van Reenen-Mulder (CRM14): Oorkonde P065p35201

Allen den ghenen die dese lett_en selen sien ende horen lesen / Jan de clerc / Jan bris . wout_e van bolenbeke Ende willem aerts / Meest_e ende prouisuere van sente Jacops gasthuse jn bruccele Ende van den goede dat daer toe hoert / Saluut m_ kinnessen der w_heit . Cont si alle_ dat wij ontfaen hebben jn aermoesenen . Tien . pont Jaerlex erfleke alselcs ghelts alse te elken t_mine jn borsen gaen sal van peter voets weghen sverwers op een huus en_ hofstat gheleghen in de Jngelant~strate bi + der houtsgracht bouen de woninghe van der steueneuen v_ + marien van paschen erue ghelikerwijs de + scepenen~lett_en jn~hebben die + re op ghemaect sijn waer + bi dat wij ghelouen vore ons Ende vore onse nacomelinge als van des vors_ gasthuus weghen Ende bewisen op dit vorghenoemde goet Onser v_uwen feeste die men dagelex hout tot sente guerx jn + de kerke van desen vorseiden gelde Jaerlex erfleke . tien . scellinghe also selc ghelt alse jn borsen gaen sal te elke_ termine dene helecht te + kersauonde Ende dandere helecht te sente Jans messe also naest volgende ware oec dat sake dat dese vorenghenoemde pant af~name jn enegher manieren / dat god verhueden moete / so soude de vors_ feeste afslaen ponde ghelijc als van den vorseiden . tien scellinghen jaerlex Renten jn kinnessen der waerheit so hebbe_ wij provisuers vorenghenoempt dese lettere beseghelt m_ den ghemeynen segele Sgasthuus voren~ghenoempt / Ghedaen jnt Jaer ons h_en als men screef M . + ccc . + Ende twee . + ende vijftech tien + daghe jn + de maent van september