Corpus Van Reenen-Mulder (CRM14): Oorkonde P065p35202

WIJ heinrech kassaert matheus va_ leefdale en_ Jan zoete prouisoers d_ husaerme van Sente Gudelen doe_ cont Jeghewelke_ dat wi hebben ontfaen alse van der husaerme weghen van joncf_ yden wilen Jan eetbroets docht_ was drie + pont en_ tyen + scellinghe Jaerlijch rente_ de~welke si ons bewijst heeft op hofstade met den hussinghe_ alsoe si gheleghen sijn in de cropelstrate ov_~mits den~welken wi gheloue_ van der husaerme weghen alse va_ die_ selue_ goede der kerken van Sente gudelen ten w_ke twentech scellinghe tsiaers erfelech altoes te kerssauonde te geldene na de doet der vors_ joncf_ yden ware oech dat sake dat tgoet argher worde en_ dat den tseins niet v_gelden en mochte dat soude de kerke holpe_ d_ghe_ na de groette van hare_ gelde En_ overmits dat dit waer es Soe hebbe + wi p_uisoers vors_ den zegel der vors_ husaerme desen lett_en ane~ghehanghen in kinnessen der waerheit Ghegheue_ int jaer ons here_ doe + _ screef M˚ ccc˚ viftech en_ twee des vriendaghs vore Sente Symoe_ en_ Juden dach der apostelen