Corpus Van Reenen-Mulder (CRM14): Oorkonde P065p35601

Wij willem van zelleke en_ wout_ strael prouisor_ der huusarm_e van der prochien van sente goedelen in brusele maken cont en_ kinlec allen den ghene_ die dese l_ren selen sien ochte hore_ lesen dat ons her gielis van beerthe priest_e capelaen in de kerke va_ sente goedelen heeft ghegheue_ puerlec o_me gode ses pont tsiaers en_ twee scellinghe als selc ghelt als ghemeinlec in borse sal ghaen ten tide va_ gheldene deen helecht te kersauonde en_ dand_ helecht te sente jans misse die hi ons bewiist heeft erfeleke op ene hofstat mette_ husen daer op staende gheleg_ in de lant_ne~strate va_ de_ welke_ jan scay ghelt viiftech scellinghe en_ jacob de butseelmak_e drie pont en_ twelf scellinghe pay_ waer bi wij prouisor_ vors_ gheloue_ va_ d_ huusarm_e weg_ vornoe_t der Capittele_ en_ den capelane_ va_ d_ kerke_ va_ sente goedelen in brusele twintech scellinghe alle jare erfeleke en_ eeweleke te here_ gieliis jaerghetide vors_ Met vorwaerde_ wart dat de vors_ pant soe ergherde dat mens niet ghecrighe_ en conde dat dan de vors_ capittele en_ capelane soude_ hulpe_ draghen uit de groette va_ hare_ ghelde lande gheliic jn ke_niss__ d_ w_heit hebbe_ wij prouisor_ vors_ desen l_ren ane~ghehanghen den zeghel der vors_ huusarm_e ghegheue_ int jaer ons heeren als men screef M CCC . + viue en_ viiftech tsanderdaechs na sente mathiis dach in sporkille - - -