Corpus Van Reenen-Mulder (CRM14): Oorkonde P065p35602

Wij wille_ van selleke en_ wout_ strael . prouisorr_ der huusarme_ van der p_chien van sente guedlen in brusele make_ cont en_ kinleec alle_ de_ ghene_ die dese l_ren sele_ sien ochte hore_ lesen dat ons h_ gillijs van beerte priestere capelaen in de kerke va_ sente goedlen heeft ghegheue_ purleec om goede . ses pont tiaers erfelike en_ euwelike als selc ghelt als ghemeinleec in borsen sal gaen deen helecht te kersauo_de en_ dander helecht te sente jans messe die hij ons bewijst heeft op ene hofstad mette_ husen dar op staende gheleghen in + de lant_ne~strate tusche_ de goedin_ghe peters tformsniders in + deen side En_ de goedinghe peters beckers an + dand_ side van den welke_ wij p_uisorr__ vors_ gheloue_ va_ der huusarme_ weghe_ alle_ den ghene_ priestre_ die messe celebrere_ op de_ dach dat me_ tvors_ h_ gillijs jaerghetide begheet in se_te goedle_ kerke vors_ En_ die te dien tide ghebeneficiert siin in de vors_ kerke te gheuene alle jare erfelike veertech scelling_ als selc ghels als vors_ es En_ ten tween t_mine_ vallende Met selker _ditien wart dat aen den vorseiden pant enech ghebrec ware dat dat de vorseide priestre_ soude_ hulpe_ dragh_ en_ af~slaen van hare_ vornoe_den ghelde En_ omme~dat dit vast en_ ghestede sal bliue_ soe hebbe_ wij p_uisorr__ vors_ dese l_ren gheseghelt metter huusarm_e seghele uutha_ghende Jn kinnessen der wareit dit was ghedaen jnt jaer ons here_ als me_ screef . M˚ . + ccc . + viue en_ viftech op den seue_de_ dach van m_te