Corpus Van Reenen-Mulder (CRM14): Oorkonde P065p35605

Cont si jegheliken die dese lettere_ zelen zien ocht hore_ leesen dat willem de va_ scare_beke de smet heft op~ghedraghe_ clase va_ watermale met ene_ scepene_~briue vier pont paiements alselc alse in borsen geet erflec en_ emmermeer op sijn huus dat steet biene_ der porte_ va_ sente goedelen tot zloesters @ behoef va_ sente Clare_ altoes te betalene te sente jaens messe va_ welken vorgheseghden vier ponden soe sal tco_uent va_ sente Clare_ sculdech sijn te gheue_ alle jaer erflec en_ e_mermeer den bringh_e van desen briue twentech scillinghe dat es te wetene alse co_uent die vorghesproken vier pont op~heft en_ niet eer . Jn orconde hier af soe heft tworgheseghde co_uent sine_ zeghel ane dese letteren ghehanghe_ Jnt jaer ons h_en do + me_ screef dusentech drie hondert sees en_ vijftech op sente Meertijns dach - - -