Corpus Van Reenen-Mulder (CRM14): Oorkonde P065p35701

Wij willem cranals ewout_ strael prouisoerr_ der huusarm_e van der prochien van sente goedele_ jn brusele make_ Cont jeghenwelke_ dat wij hebben ontfaen van joncf_ oeden van den spieghele ter armer behoef vors_ een mudde rox pachtcore_ goet en_ gaue dat sij ons bewijst en_ beset heeft op een huus gheleg_ jn de_ bleikerie jn de neckerstrate neue_ de goeding_ jan scobuts te_ beg_den weert neder van welke_ mudde rox wij vors_ prouisoerr_ gheloeue_ als va_ der huusarmer weghe_ na de de doet joncf_ oeden vors_ der kerke_ van sente goedle_ een sister rox jarliix erf_ altoes te kersauo_de ghelde_de met selker conditien dat sij bewisen mach op andre_ goede_ sekere_ pand binne_ ij mile_ na brusele En_ gheuielt oec hiernamaels dat de pand ergherde soe dat mens niet ghec_ghen en conden dat soude de vors_ kerke helpe_ draghe_ ghelijc na de groette van hare_ Corne En_ omdat dit vast en_ ghestede sal bliue_ soe hebbe_ wij prouisoerr_ vors_ dese l_ren gheseghelt mette_ seghe der vors_ huusarm_e jn kinnessen der wareit Dit was ghedaen jn jaer ons heren als me_ screef M . + ccc . + vift_ en_ seuene op den xij dach van meye