Corpus Van Reenen-Mulder (CRM14): Oorkonde P065p35702

Wij louijs prochiaen van der kerke_ van sente goedlen jn brusele en_ jan vederma_ kercmeesters van d_ kerke_ vors_ wij amelrec taye en_ wille_ c_nals prouisoerr_ der huusarm_e van der prochien vors_ maken Cont en_ kinleec jeghenwelke_ dat wij hebbe_ ontfaen ter kerke_ en_ ter huusarm_e behoef vors_ van meest_ heinr_ Coeke_ die cordeke_ van sente goedlen was huse en_ hofstad met hare_ toebehoere_ gheleg_ jn de p_chiaenstrate neue_ de woni_ghe van buseghe_ ghelijc dat sij ons dar bewijst siin en_ kat_ tbeckers al~daer houde_de was war + bi wij prouisoerres en_ wij kercmeesters vornoe_t gheloeue_ als van der kerke_ weghe_ en_ van der huusarm_ weghe_ der Capittelen en_ de_ Capelane_ van sente goedlen kerke_ te meester heinr_ vors_ jarghetide alle jare euwelijf te doene . Ses . pont pay_ deen + helecht te kersaue_de en_ dander helecht te sente jans messe te gheldene Met alselke_ ghelde als ghemeinleec jn borsen sal gaen te_ tide van gheldene met selker _dicien gheuielt hier~namaels dat de vors_ pand ergherde van brande ochte van te_peeste soe dat mens niet ghec_ghe_ en conde dat dan soude de vors_ capittele de scade hulpe_ draghe_ lande ghelijc na de groette van hae_ ghelde En_ omme~dat dit vast en_ ghestede sal bliue_ soe hebbe_ wij kercmeest_s en_ wij huusarmeesters vornoe_t dese l_ren gheseghelt met onsen seghele jn kinnessen der wareit Ghedaen jnt jaer ons here_ als me_ screef . M . + ccc . + seuene en_ viftech op den twintechsten dach van noue_ber