Corpus Van Reenen-Mulder (CRM14): Oorkonde P065p36602

Cont si allen lieden dat Wij lauwereins de wedeghe / En_ jan de Witte huusaerme~meest_e Van der prochien van sente guerx jn + bruecele kinnen dat wij ontfaen hebbe_ t_ huusarm_e behoef m_ scepene_~brieue_ van brucenghem van lijsbetten wilen jans docht_ was van stroembeke die te bruecele jn sente jans hof woent Een huus ende hofstat jn al diere manieren dat gheleghen es jn de prochie van volenbeke neuen jans bastaerts hof / En_ vortmeer noch een . dachwant en viue en_ twintech Roeden lants luttel meer oft men / welc lant hout jan van den perre ghelijc dat gheleghen es opt dal jn + dene side neuen jans meys lant / En_ jn dander side neuen jan troests lant / En_ sijn hier toe comen bi maninghen smeyers En_ bi wijsdome der scepenen ghelijc dat de scepene~l_re sprect diere op ghemaect es en_ die wij te ons weert hebbe_ / waer bi dat wij huusarme~meestere voren~ghenoe_pt ghelouen vor ons en_ vore onse nacomelinghe als van der vorseider huusaerm_e weghen Na lijsbetten van stroembeke lijf voren~ghenoe_pt jn + de kerke van sente goedelen jaerlex erflec twentech scellinghe borseghelts altoes te kersauonde te betaelne ten wiue_ te hulpe_ die + men den ghenen gheeft te drinkene die tonsen h_e gheweest hebben / Met selker condicien / waert also dat dit voren~ghenoe_de goet Ergherde oft af~name jn Enegher meniere_ so dat wij den seins niet v_crighen en conden so soude dese vors_ kerke Cost en_ scade hulpen ghelden en_ draghen na na de groete van den seinse die siere jaerlex op heeft altoes sonder arghelist / En_ o_me~dat dit vast en_ ghestede bliuen sal ghelijc dat voren bescreuen steet so hebben wij huusaerme~meest_e voren~ghenoe_pt onser huusaerm_e zeghel ane dese l_re ghehanghen jn kinnessen der waerheit Dit was ghedaen jnt jaer ons h_en als men screef . M . + ccc . + sesse . + en_ tsestech . xxiij daghe jn de maent van januario - -