Corpus Van Reenen-Mulder (CRM14): Oorkonde P065p36603

Wij ghiisbrecht van den berghe walrauens sone van den berghe wilen was Jan ser + claes Reiner ser + claes sone wout_ strael doude en_ jan de winne prouisoers der huusarm_e van sente goedelen prochien in brucele doen cont allen lieden dat wij hebben ontfaen in aelmoesene_ ter vorghenoemd_e huusarm_e boef va_ joncfrouw_ magriete_ tsertoghen wiif wilen was her willem tsertoghe_ achtien pont en_ twee scellinghe jaerlex erfeleke cheins die ons siin bewijst op hofstade met de_ husen daer op staende gheleghen in den ouden scarenbeexschen wech tuschen de goede gieliis van fleesenbeke en_ de goede willems van loxhem gheliic sceepe_~brieue va_ brucele in~hebbe_ die daer op ghemaect siin en_ die wij daer af ontfaen hebben waer bi dat wij gheloue_ vor ons en_ vor onse nacomelinghe die ten tide prouisor_ siin selen va_ d_ vors_ huusarm_e weghen te gheuene jaerlex erfeleke va_ den vors_ cheinse Den persone_ die ten heileghen sacramente ghaen selen te sente goedelen veertech scellinghe altoes te kersauonde te betalene met alselke_ ghelde als ghemeinlec in borse sal ghaen ten tide van gheldene met selker vorwaerde_ gheuielt namaels dat niet vallen en moete dat de vors_ pande argherde_ in al ochte in ene_ deele soe dat men den vors_ cheins niet ghecrighen en conste soe soude_ de vors_ persone de scade helpe_ draghen na de groette va_ hare_ ghelde en_ omme~dat dit vast en_ ghesteede sal siin ghehoude_ soe hebbe_ wij prouisor_ vors_ dese l_ren bezeghelt met den zeghele der vors_ huusarm_e in ke_niss__ d_ waerheit Dit was ghedaen int jaer ons heere_ als me_ screef . M . + ccc . + sestich en_ sesse op den vier en_ twentechsten dach der maent van februar_