Corpus Van Reenen-Mulder (CRM14): Oorkonde P065p36604

Wij ghiisbrecht van den berghe walrauens sone van den berghe wilen was Jan ser + claes Rein_ s_ + claes sone wout_ strael doude en_ jan de winne prouisoers der huusarm_e va_ sente goedele_ prochien in brucele doen cont allen liede_ dat wij hebbe_ ontfaen in aelmoesene_ t_ vorghenuemd_ huusarm_e boef va_ janne lauwereis den beck_e de helecht va_ ere hofstat met d_ helecht va_ ene_ huse daer op staende gheleghe_ in de vleeschouw_~strate tusche_ de goede jan daneels en_ de goede liisb_ doys gheliic sceepe_~brieue va_ bruc_ in~hebbe_ die d_ op ghemaect siin en_ die wij daer af ontfaen hebbe_ waer bi dat wij gheloue_ vor ons en_ vor onse nacomelinghe die te_ tide p_uisor__ siin sele_ va_ d_ vors_ huusarm_e weghe_ te gheuene jaerlex erfeleke onser vrouwe_ werke te sente goedel_ terdendeel dat dit vors_ goet renten sal jaerlex met selker vorwaerde_ dat onser vrouwe_ werc vors_ sal ghelde_ jaerlex erfelic terde_deel va_ viiftech scellinghe_ borseghelts en_ va_ twee capune_ vte_ vors_ goede jaerlex erf_ ghaende en_ terdendeel va_ de_ aenlegghene dat me_ ane dit vors_ goet sal legghe_ En_ o_me~dat dit vast en_ ghesteede sal siin ghehoude_ soe hebbe_ wij prouisor_ vors_ dese l_ren bezeghelt met de_ zeghele d_ vors_ huusarm_e in ke_nisse__ d_ waerheit Dit was ghedaen int jaer ons heere_ als me_ screef M ccc . + sestech en_ sesse op de_ tienste_ dach der maent van merte