Corpus Van Reenen-Mulder (CRM14): Oorkonde P065p36701

Wij ghiisbrecht van den berghe walrauens sone va_ den berghe wilen was Jan ser + claes Rein_ s_ + claes sone wout_ strael doude en_ jan de winne prouisoers der huusarm_e van sente goedele_ prochien in brucele doen cont allen liede_ dat wij hebbe_ ontfaen in aelmoesene_ t_ vorghenuemd_ huusarm_e boef va_ joncfrouwe beatrisen brueders ene_ scepene_~brief va_ bruc_ mensie makende va_ drie ponde_ siaers erfeleke cheins borse~ghelts die ene helecht t_ huusarm_e boef vorghenuempt en_ dander helecht tons_ vrouwe_ werke boef va_ s_te goed_ welke drie pont vors_ siin veroud_pant op huus en_ hofstat dat me_ heet de pale gheleghe_ in de poetrie tusche_ de goede jans va_ bruechem en_ de goede heinrec pauwels gheliic sceepene~l_ren in~hebbe_ die daer op ghemaect siin waer bi dat wij gheloue_ vor ons en_ vor onse nacomelinghe die te_ tide prouisor_ siin sele_ va_ der vors_ huusarm_e weghe_ te gheuene jaerlex erfeleke tons_ vrouwe_ w_ke vors_ va_ de_ vors_ drie ponde dertech scellinghe altoes te kersauonde te betal_ met alselke_ ghelde als ghemeinlec in borse sal ghaen ten tide va_ gheldene met selker vorwaerde_ gheuielt namaels dat niet vallen en moete dat de vors_ pant argherde met eneghe_ onghevalle in al ochte in ene_ deele soe soude ons_ vrouwe_ werc de scade helpe_ draghe_ na de groette va_ hare_ ghelde En_ o_me~dat dit vast en_ ghesteede sal siin ghehoude_ soe hebbe_ wij prouisor_ vors_ dese l_ren bezeghelt met den zeghele d_ vors_ huusarm_e in ke_nisse__ der waerheit dit was ghedaen int jaer ons heere_ als me_ screef M ccc . + sestech en_ seuene op de_ viertiende_ dach d_ maent va_ meye