Corpus Van Reenen-Mulder (CRM14): Oorkonde P065p36702

Cont si allen lieden die dese l_ren selen zien ochte horen lesen / Dat wij henric van . AA . die groefsmet / Godeuaert van meersele die goutsmet / En_ gherem van der noet Jans zone was van + d_ noet de scildere prouisoers der broed_scap mins h_en sente loys in bruesele ontfaen hebben in almoesenen ter voers_ broed_scap beof / van henricke_ van + d_ brugghen van zauenthen . twee oude scilde goet ende gherecht ochte de weerde daer af alle Jare erfeleke te betaelne half te sente Jans misse / ende half te kersauonde / De~welke twee oude scilde voers_ ons ghequijt / en_ bewijst heeft die voerseide henric van der brugghen die men heet henric de clerc op een hofstade metten huse daer op staende / gheleghen jeghe_ des cant_steen ouer opten horrec / tusschen de goede Gherats van frazene tsloetmak_s aen deen side / En_ de goede lijsbette_ van viluoerden / en_ Jans van Erpe ghehuuschen aen dand_ side ghelijc de scepene_~brief in~heeft die wij daer af ontfaen hebben . Waer bi wij p_uisoers voers_ gheloue_ voer ons ende voer onse nacomelinghen van der voers_ broed_scap weghen onser vrouwen werk te sente Goedelen Enen ouden scilt ochte de weerde daer af alle Jare erfeleke te betaelne te_ t_mine_ die voersproken sijn / Met selk_ condicien gheuielt dat de voers_ pant argherde in al ochte in dele / Soe soude dat voers_ werc van sente goedelen voers_ die scade helpen draghen ghelande ghelijc na de groete van haren ghelde / En_ o_me~dat dit vaste en_ ghestade sal bliuen ghehouden / soe hebben wij prouisoers voers_ dese l_ren beseghelt metten seghele d_ broed_scap mijns heren sente loys voers_ Jn kennissen der w_heit / Dit was ghedaen int Jaer ons h_en . dusentech . + CCC . + tsestech ende zeuene opten zesse ende twintechsten dach van + der maent van oeghste .