Corpus Van Reenen-Mulder (CRM14): Oorkonde P065p36703

Cont si allen lieden die dese l_ren selen zien Ochte horen lesen / Dat wij henric van . AA . de groefsmet / Godeuaert van Moersele de goutsmet / Ende gherem van der noet Jans sone was van + d_ noet de scildere Prouisoers d_ brued_scap Mijns h_en sente Loys in bruesele Ontfaen hebben jn almoesenen ter voers_ brued_scap boef van lijsbette_ willems docht_ was van laken loys smeets wijf was / vijf pont tsiaers erfeleke ghewoenlek_ munten ten tiden van gheldene ghemeinleec in borsen lopende te betaelne half te k_sauonde ende half te Sente Jans + misse Op Enen hof gheleghen int w_moesbroec tusschen de goede Jans van zotteghem En_ de goede den ghasthuse van sente goedelen ghelijc die scepene_~brief van bruesele Jn~heeft / die wij daer af ontfaen hebben waer + bi wij Prouisoers voers_ gheloue_ voer ons ende voer onse nacomelinghen van + der voers_ brued_scap weghen onser vrouwen werke van sente goedelen in bruesele / na de doet lijsbetten van laken voers_ twintech scellinghe der voers_ mu_ten alle Jare erfeleke te betaelne ten t_mine_ die voersproken sijn / Met selker conditien gheuielt dat die voers_ pant argherde / in al ochte in deele / Soe soude dat voers_ werc van sente goedelen kerke die scade helpen draghen ghelande ghelijc na de groette van haren ghelde / Ende o_me~dat dit vaste ende ghestade sal bliuen ghehouden / Soe hebben wij Prouisoers voers_ dese l_ren beseghelt mette_ seghele der brued_scap mijns h_en sente loys voers_ / Jn kinnissen der w_heit Dit was ghedaen int Jaer ons h_en / Dusentech / drie + hondert tsestech / ende zeuene opten vierden dach van septembr_