Corpus Van Reenen-Mulder (CRM14): Oorkonde P065p36704

Cont si allen lieden die dese l_ren selen zien / ochte horen lesen / Dat wij Henric van . AA . die groofsmet / Godeu_t van Moersele die goutsmet En_ Gherem van + d_noet Jans zone was van + d_ noet die scild_e Prouisoers der brued_scap mijns h_en sente loys in bruesele Ontfaen hebben in aelmoesene_ t_ voers_ brued_scap boef van boudene van os den cled_mak__e Een dachwant lants luttel min ochte meer ghelege_ buten sente Goedelen poerte jn + de nouwest_te tusschen de goede willems van aelst / Ende de goede Jans herdenacke / ghelijc dat tvoers_ dachwant lants gielijs vt_ coekene_ ald_ erfeleec v_creech Jeghen G_widen van boesdale / En_ ghelijct dat den voers_ boudene ald_ wale bewijst was erfeleec te houdene en_ eweleec te besittene opte_ cheins die d_ van rechte es vte te ghane / ghelijc die brieue Jn~hebben die wij d_ af ontfaen hebben w_ bi wij voers_ Prouisoers gheloue_ voer ons en_ voer onse nacomelinghen van + d_ voers_ brued_scap weghen Der Jerster missen die men heet die vroechmisse Jn sente goedelen kerke te bruesele tien scellinghe tsiaers ghewoenlek_ mu_ten altoes te k_sauonde te betaelne ghemeinleec jn borsen lopende / Met selk_ conditien gheuielt dat die voers_ pant argh_de in al ochte in dele / Soe soude die voers_ vroechmisse die scade helpen draghen ghelande ghelijc na de groette van haren ghelde . Ende o_me~dat dit vaste en_ ghestade sal bliue_ ghehoude_ / Soe hebbe_ wij Prouisoers voers_ dese l_ren beseghelt metten seghele der broed_scap mijns h_en sente loys voers_ . jn kinnissen d_ w_heit . Dit was ghedaen jnt jaer ons h_en dusentech / drie + hondert tsestech ende zeuene / opte_ zesse en_ twintechsten dach van septembr_