Corpus Van Reenen-Mulder (CRM14): Oorkonde P065p36705

Cont si allen dat wij heinrec van . AA . de grouesmed gherem van + d_ noet de Schildere en_ godeuert va_ morsele prouisoers der arm_e van + d_ bruderscap van Sente loys in bruesselle bekinne_ dat wij ontfaen hebbene in aelmoesene_ ter vors_ arme_ boef van Reyneren clutinghe willen zone was Reynier? clutings ? en_ van joff_ janne weghen sijns wijfs twintech guldene pe_ninghe florine va_ florenche ochte de werde daer af erfeleke_ rente_ alle Jaer te heffene en_ te hebbene half te S_ jans messe en_ half te kersauonde op ene hofstede metden huse_ daer op staende gheleghe_ bi + d_ coelmaerct daer me_ gheet t_ ou_molen porte_ wert tuschen de_ goede des selfs Reyners dat hi v_creech jeghe_ janne de_ we_mel__e op dene side en_ den goede joff_ lijsbetten droeghboschs op dand_ side ghelijc dat scepene~brieue va_ bruesselle in~houde_ die wij daer af ontfaen hebben / Van welke_ twintech florine_ va_ florenche_ erfelec cheins vors_ / wij gheloue_ te betalene alle jare teuwelike_ daghe_ van + d_ arm_e weghe_ va_ S_ loys ons_ vrouwe_ van S_ goedelen kerke te hare_ w_ke ene halue_ guldene florijn va_ florenche_ vors_ ten t_mine_ die versproke_ sijn Met selke_ co_dicien en_ vorwarden gheuielt namals des niet sijn en moete dat de vors_ hofstad m_ de_ huse_ alsoe sere erghenden dat me_ de vors_ cheins va_ twintech guldene tsiars daer op niet verreike_ en conste en_ me_ daer af ware in ghebreke in deele ochte in al dat dan de vors_ ons_ vrouwe va_ S_ goedele_ kerke alselke ghebrect sal helpe_ m_ draghe_ na de ghelande va_ hare_ dele Ghegheue_ ond_ der vors_ arm_e zeghel va_ S_ loys jn kinnessen der waerheit doe me_ screef . M . + CCC . + sestech en_ seuene op den . xij . dach va_ decembr_