Corpus Van Reenen-Mulder (CRM14): Oorkonde P065p36706

Cont si allen dat wij heinrec van . AA . de grouesmed / Gherem van + der noet de + schild_e En_ godeuert van morsele prouisoers der arm_e van + d_ bruederscap van S_ loys in bruessele beki_nen dat wij ontfaen hebben in aelmoesene_ ter vors_ arm_e boef van Reyneren clutinghe willen zone was Reynere clutings tseghel_e en_ van Joffr_ Janne_ weghen sijns wijfs twintech guldene pe_ni_ghe florine van florenchen ochte de werde daer af Erfeleke Rente_ al jare te heffene en_ te hebbene half S_ jans messe en_ half te kersauonde op ene hofstad met den huse_ daer op staende gheleghe_ bi + d_ Coelmaerct daer men gheet ter ou_molen porten wert tuschen den goede des selfs Reyners dat hi vercrech jeghen Janne den we_mel__e op dene side en_ den goede joffr_ lijsbetten droeghboschs op dand_ side ghelijc dat scepene~brieue van bruessele in~houden die wij daer af ontfaen hebben / Van welken twintech florine_ van florenche_ erfelec cheins wi gheloue_ te betalene alle jare teuweliken daghen van + d_ arm_e weghen van S_ loys vors_ den gasthuse van + de_ arm_e wiuen in de p_kemenst__te gheleghe_ een virendeel van ene_ guldene florijn va_ florenchen vors_ ten t_minen die verspreken sijn Met selke_ _dicien en_ vorwarden gheuielt namaels des niet sijn en moete dat de vors_ hofstad met den husen alsoe sere ergherden dat men de vors_ cheins van twintech guldene tsiars daer op niet bereiken en conse en_ men daer af ware in ghebreke in deele ochte in al / dat dan de vors_ gasthuse van + d_ arm_e wiuen alselke ghebrect selen helpen met draghe_ na de ghelande van sijne_ dele Ghegheue_ ond_ der vors_ arm_e zeghel van S_ loys Jn kinnessen der waeheit doe men screef . M . + CCC . + sestech en_ seuene op den . xij . dach van decembr_