Corpus Van Reenen-Mulder (CRM14): Oorkonde P065p37701

Jnt jair ons h_en . M . + ccc . + zeuen en_ Tseuentich viere daghe in Meye zoe quame_ in p_pren p_sonen . h_en jan va_ gheele dien me_ heet scobbe vranc van woluwe en_ jan de sceppe priest_en jn + de_ name en_ van + d_ feeste_ wegen va_ ons_ vrouwen in + d_ kerken van sinte goerex in Bruesele op deen zide . Ende jan vle vleeshouw_e de oude in dand_ zide vo_e janne cluting zoene reyner clutings ama_ne te bruess_ en_ vo_e gheerde den coeninc / janne van + d_ houe ghehete_ vileyn / Reyn_en cluting ghehete_ den zeghele_e / en_ gilise den mol Scepen_ van + d_ zelu_ stad En_ hadden ghescil en_ stoet vnderlingen O_me tien scillinge jairlex en_ erfelex cheys dair de voirs_ priest_en van + d_ feeste_ wegen voirs_ scepen~brieue af doe t_ tijt toenden de~welke zi meynde_ dat jan vle voirs_ hem jairlix sculdech was va_ eenre heelecht va_ eenre hofstat dair op woende loeuijs scalie op de~welke steet een huus dat me_ heet die coenoet Soe dat int vytende elx bescheet en_ beyd_ p_tien brieue aenghehoert die zi ghehoert wouden hebben t_ begheerte_ jan wls voers_ jan cluting amma_ te bruess_ maende den voirs_ reyn_en cluting scepene te dierre tijt wats met ene_ rechte sculdech wa_e te ghesciene Daer beriet hem de voirs_ reyn_e met zine_ metscepen_ vorg_ En_ wijsde met vollen gheuolghe zijnre ghezellen vo_e een recht / dat jan vle sculdech ware te gheuene jairlex en_ erfeleeke_ t_ vors_ feeste_ boef vyt den voirs_ goeden Tien scillinge alselcs ghelts / alse int jair ons h_en . M . + ccc . + twe . op den derden dach na asscensidach ghemeynlic in borsen ghinc . welc vo_nisse de voirs_ priest_en in ewegher ghedenkenissen van + d_ voers_ feeste_ wegen baden en_ v_zochten dat me_t int boec bescriue_ en_ tekene_ woude . ghegeue_ int jair ons h_en voirscr_ . Dair na so brachte_ de voirs_ priest_en een cedulle die va_ loeuen_ bracht was en_ dair stont jnne Jtem tot sinte jans misse doe me_ screef . M . + ccc . wart die oude g_et ghebode_ op . xvij . D_ en_ stont also tsat_daechs vo_e kersdach jnt jair ons h_en . M . + ccc . + ij . welke cedulleke_ henric cordeken d_ stad clerc va_ loeuen_ ou_sant janne vileyn en_ reyn_en clutinc Scepen_ voirs_ te ha_e begheerte_ o_me een houlecheit te hebbene / wat en_ hoe veele de voirs_ feeste sculdech is te hebben_ en_ te heffene na tvo_nisse voirscr_ vo_e de voirs_ x s_ erfcheys tsiaers -