Corpus Van Reenen-Mulder (CRM14): Oorkonde P065p37703

Cont si allen lieden die dese l_ren selen zien Ochte horen lesen / Dat wij jan Couiers die goutsm_ Tielman de w_t die groefsm_ Ende heinric die goutslaghere Prouisoers der brued_scap mijns h_en sente loys in bruesele / ontfae_ hebbe_ in almoes_ t_ voerseider brued_scap boef va_ joncfr_ Margriete_ ghehete_ zabels docht_ wile_ was ghijsbrechts zabels achte pont en_ tien scellinghe siars erfelek_ Renten ghewoenlek_ Mu_ten ten tiden van gheldene ghemeinlec in borsen lopende half te Sente jans misse en_ half te kersauonde te betaelne / die si ons bewijst heeft op een hofstat gheleghen bi sente mertens kerchoue op den horrinc van + den blindenb_ghe / ghelijc scepen_~brieue in~hebben die daer op ghemaect sijn / waer bi wi Prouisoers voers_ gheloue_ voer ons en_ voer onse nacomeli_ghen van + d_ voers_ brued_scap weghen Der jerste_ Capelrien ghesticht in die Eere mijns h_en sente loys jn de kerke van Sente Goedelen in bruesele dertech scellinghe siars erfeleke der voers_ Munten te k_sauonde altoes te betaelne / Met selker conditien / vielt dat die voers_ pant argherde ende mens niet ghecrighen en conste / Soe soude die voers_ Capelrie af~slaen na die groette van haren ghelde / Jn kinnessen der waerheit Soe hebben wi Prouisoers dese l_ren bezeghelt met den zeghele der brued_scap mijns h_en sente loys voers_ / Ghedaen jnt Jaer ons h_en / Dusentech drie + hond_t tseuentech en_ zeuene viue ende twintech daghe jn meye -