Corpus Van Reenen-Mulder (CRM14): Oorkonde P065p37704

Cont si allen lieden die dese l_ren zelen zien Ochte horen lesen / Dat wi Jan Couiers die goutsm_ / Tielman die w_t die groefsm_ / Ende heinric die goutsleghere Prouisoers der brued_scap mijns h_en sente loys in bruesele / ontfaen hebben jn almoes_ ter voers_ brued_scap boef van joncfr_ Margriete_ ghehete_ zabels docht_ wile_ was ghijsbrechts zabels achte pont en_ tien scellinghe siaers erfelek_ Renten ghewoenlik_ Munte_ ten tiden van gheldene ghemeinleec jn borsen lopende / half te sente jans misse en_ half te kersauonde te betaelne / Die si ons bewijst heeft op een hofstat gheleghen bi sente mertens kerchoue op den horrinc van + den blindenb_ghe / ghelijc scepene_~brieue jn~hebben die daer op ghemaect sijn / waer bi wi Prouisoers voers_ gheloue_ voer ons en_ voer onse nacomelinghen van + der voerseid_ brued_scap wegen / Der Capelrien van + d_ jerster missen Jn Sent_ Claes kerke in bruesele / Dertech scellinghe siaers erfeleke der voers_ Munte_ te k_sauonde altoes te betaelne / Met selker conditien / vielt dat die voers_ pant argherde ende mens niet ghecrighen en conste / Soe soude die voers_ Capelrie af~slaen na die groette van haren ghelde / Jn kinnessen der waerheit Soe hebben wi Prouisoers voers_ dese l_ren bezeghelt met den zeghele der brued_scap mijns h_en sente loys voers_ / Ghedaen int jaer ons h_en dusentech drie + hond_t tseuentech en_ zeuene viue ende twintech daghe Jn meye -