Corpus Van Reenen-Mulder (CRM14): Oorkonde P065p37705

WJ Scepen_ ende raet der stad van Bruesele / Doen cont allen den ghenen yeghewerdech en_ toe te comen_ die dese l_ren zelen sien en_ ho_en lesen Dat bi onse_ consente / wetene en_ wille ghemeynlec voirsieneghe auijs en_ raet ond_ ons menechvuldechleeke_ dair op ghehadt De Rentmeest_en d_ stad va_ bruesele voirs_ ten tide sijnde aensiende orboir en_ profijt die der vors_ stad dair aen steet te gheligghene . Ghegeue_ hebbe_ arnde van goyke die me_ heet ute_ reese die veste der stad voers_ / gelegen buten d_ poerte_ sinte jacops op coudenberghe in Bruesele / naest den goide_ die wile_ ware_ . . h_en wouter Pipenpoys ridders / en_ nv ziin des voirs_ aerts op deen zide / Comende tote_ naeste_ (onleesbaar) der voirs_ pointe_ in dand_ zide / Den voers_ arnde aldair volcomelec bewijst en_ bemeert Erfeleeke_ te houden_ en_ ewelike_ te bezittene / Elx jaers o_me twe guldene florine die me_ heet ghemeynlec cheysguldene goede en_ gheeue och die werde dair af . Deen heelecht en_ den irsten cheys te sinte jans misse baptiste_ zijnre gheboirte_ / naest comende / en_ dand_ heelecht te kersauonde dair naest volghende / en_ also voert alle jair erfeleeke_ te vergheldene . Welke_ cheys voerg_ de voers_ arnt weder gheloift heeft den voerg_ rentmeest_en ter stat behouf alle jare tewelike_ tide_ ten t_mine_ voerscreuen . Ende et is vorwarde en_ hier jnne cleerlec ond_sproke_ / dat de voirs_ arnt noch nyeme_ anders in negheenre wijs (onleesbaar) de voirs_ veste noch dair jnne en zelen moghen greeue_ noch dubben / dair den oude_ muer van + d_ stad och der veste_ scade och acht_deel af come_ mochte . Ende o_me~dat alle de voirs_ zake_ / in d_ mani_en voirscr_ ghesciet ziin / en_ wij willen en_ beghere_ dat zi tewelike_ daghen ghehoude_ werde_ / sond_ breke_ / Soe hebben wij dese l_ren hem doen bezeghele_ mett_ stat zeghel va_ bruesele ten zaken wthanghende in ke_nissen der waerheit . Ghedaen jnt Jair ons h_en . Dusent Drie + hondert Tseuentich ende zeuene op den neghentienste_ dach d_ maent Octobr_