Corpus Van Reenen-Mulder (CRM14): Oorkonde P065p38902

Cont sy allen lieden dat Osce de coninc natuerlec sone wilen willems conincs mj ja_ne van sentruden priest_e vercleerde en_ tughede op sinen eet en_ trouwe dat joffr_ marie sconincs sine ouder~moeder en_ joffr_ kateline sconincs sine moye de ghedeelten van + den zwane die sy ja_ne den clerc ghauen te erue alsoe de scepenen~brief sprect diere op ghemaect es / welken enen heeft her gielijs de pape als sijns wijfs mo_bore de~welke jans clercs docht_ was / want de zwane hare viel in haren lote / Ende de and_ brief leght hier in dese lade / welken zwane jan de clerc voers_ en_ sijn oer oec na hem hadden laten liggen vore den tseys / want noch meer liede daer deele ane hadden / en hadde gheweest dat hy ghety_mert heeft acht_ op die hofstat van + den zwane ene camere ane ronceuale / En_ oec den hof van den ouden hert gespleten heeft vte der voers_ hofstat van + den zwane / welke_ ronceuale en_ aen + den her ghegheuen sijn te erue en_ waerscap gheloeft / daer by soe en laten sy den zwane niet ligghen noch met vierevout tseys vertien / want sy en conne_ haers waerscaps niet af~gegaen / Ouermits lieten sy den zwane liggen soe moest men de hofstat rumen also verre als de voers_ cam_e daer op steet / en_ oec den voers_ hof en_ wederkeren ten zwane w_t al gheheel . Vort vercleerde mj de voers_ osce dat joffr_ marie sine ouder~moeder voers_ hadde twee sust_e / welker de ene hadde oec op den voers_ zwane erf~tseys / van welken tseyse verschoen na hare doot joffr_ katheline_ sconincs voers_ hare sust_ docht_ . x . oude groete erflec / en_ vrouwen katelinen van craynem hare ander nichten . x . oude groete soe dat joffr_ katheline sconincs voers_ na harer moeder doot en_ willems haers broeders voers_ vercochte van haren xviij . s_ en_ . ij . d_ gr_ alsoe der Erf~brief in~heeft / en_ van + den verstoruene_ . x . groeten den huusarmen van sente goedelen . iiij . s_ ouder gr_ / Ende namaels doen sy steruen soude soe makede sy de . xv . s_ . gr_ in testamente ene capelrie te makene op sente magrieten outaer tsente goedelen daer sy vore begrauen es / te welken . xv . s_ gr_ Jc jan van sentruden priest_e voers_ comen ben met haren consente by gielise scalien die oec een van haren testamentoers was die met ene_ brieue van gheloften te haren goeden quam / en_ mi na der stad recht in + de . xv . s_ gr_ erfde / daer mede te doene alsoe sy mj beual / en_ testament in~heeft / welc ic mett_ hulpen van gode volbracht hebbe / Ende want de voers_ . xv . s_ gr_ niet competent en sijn ter cappelrie / soe hebbic vercreghen met beden ane h_ jan fraybaerde / en_ joffr_ margrieten si_e werdinnen drie bunder lants en_ meer na hare doot / alsoe de brief sprect daer ict mede ontfinc in augmentacien ter voers_ cappelrien behoef voer hare zielen en_ hare vriende / Jn kinness_ der waerheit soe hebbic jan van sentruden priest_e voers_ hier ane mjne_ seghel gheset jnt jaer ons heren . M . CCC . Tachtentich en_ neghene op alre apostel dach .