Corpus Van Reenen-Mulder (CRM14): Oorkonde P065p38903

Allen den ghenen die dese l_ren zelen zien of Hoiren lesen / Willem Cassaert geheeten plaetman ende henric geheeten Crupelant Scepen_ van bruess_ Saluyt met kinnessen der wairheit Cont sij allen dat want in vorledenen tiden h_ Gielijs geheeten brunincs Priestere vercreech zeuentien pont gewoenlijker munten ten tiden van geldinghen ghemeinlec in borsen gaende / jairlex ende Erfelex cheins op hofstad ende huyse dair op staende ghelegen ter Ouermolen tusschen die goide wilen Heinrics van + der meeren op deen zide / ende een strate aldair sijnde op dander zide / De~welke goide / janne sone wilen was jans geheeten tser + herma_s toe plaghen te hoerene / ghelijc sij hem bewijst waren alse voir Eyghen ende metten Eygendo_me der seluer goide / de~welke goide siin vonden Erue / ende dat deyghendom dair af van ouds toebehoirt heeft ende behoirt den goiden geheeten de boegaert Dat toebehoirde den vorderen h_ willems sloezen / tot wiens goide Gielijs de loeze / natuerlic sone wilen Gielijs sloezen des ouders was comen es met Scepene_~brieuen van bruesele / Ende omme yegewelken in siin recht te behoudene sijn Comen voir ons Scepenen / die voirs_ Gielijs natuerlec sone wilen Gielijs sloezen / Ende h_ Arnt van buten Priestere dien die voirs_ Cheins voirs_ Cheins die gheschiet sijn van voirledenen tiden tot opten dach datum des briefs / alse gronhere der voirs_ goide sijn Consent toe ghedain / behoudelec altoes sinen rechte / jn welker dinc getughenissen hebben wij Scepenen voirs_ onse zegele / aen desen brief gehanghen / Dit was ghedain jnt jair ons heren / alse men screef / dusent / drie + hondert / tachtentich en_ negen opte_ acht + en + twintichsten der maent va_ julio