Corpus Van Reenen-Mulder (CRM14): Oorkonde P065p39602

Wij Gylijs de brune p_chiaen der kerken van sente goedelen in bruessele Jan fraybart en_ jacob taye kercmeest_s d_ seluer kerken Doen cont allen luden Dat wij ontfaen hebben ter vors_ kerken behouf van ene_ eersamen man lodewijc thonijs onsen gemynden vrient / een su_me gelts / die ons wel ghenuecht en_ dair om hebben wij gheloeft in goede_ trouwen voir ons en_ onse nacomers kercmeest_s / dat wij in toecome_den tiden / als die kerc So verre ghelenght sal werden dat + ment m_ bestede doen mach enen autair selen doen make_ op ons_ kerken cost / van allen steenwercke metselrye wel en_ loueleec mette_ (-) + aryse die dair nv toe + hoert aen den pyleer dair hi en_ sijn vorders een cappelrye hebben doen stichte_ in deere van Sente Anthonijs jegen sente pauwels cappelrye ouer aen de noert~side Jn kennissen hier af hebben wij ons_ kerken zegel hier aen ghehange_ Ghedaen jnt Jair ons h_en dusentich drie + hondert viue en_ tneghentich tien daghe in de maent van meerte - - -