Corpus Van Reenen-Mulder (CRM14): Oorkonde P065p39604

Allen den ghenen die dese l_ren zelen zien en_ horen lesen Gheerem geheten van + der noet ende jan sone wilen was goesens die men hiet de hertoge Scepen_ te bruessele saluyt met kinnessen der wairheit Cont sij allen Want h_ gielijs geheten de brune priest_e prochiaen ende kercmeester der fabriken van sente goedelen in bruessele jan geheten fraybaert ende jacop taye oec kercmeest_en der zeluer fabriken jn + den naeme en_ van + der voirs_ fabriken wege_ / bi rade weten_ gheuolge en_ consent Eersamer h_en des deekens en_ der capittelen der seluer kerken Ende h_ diederic van + den heetuelde ridd_e diederics soen was van + den heetuelde vo_e hem sijn oir en_ nacomelinge_ een ou_drach voerwaerden geloiften en_ diuisien malc met and_en gemaect hebben va_ eene_ boenre steenlants luttel min ocht meer gelegen op cattenbroec / dwelc de voirs_ kercmeesters jn + den name der voirs_ fabriken vercregen hebben de steene dair vte te greeuen ende ha_en profijt dair mede te doene jegen religieusen p_sonen mijnre vrouwen der abdissen en_ tconuent des cloesters van + der cam_en der ordene_ van chisteaulx der dyocesen van camerike bi consente haers vader abds / gelijc die voerwaerden geloiften ou_drach en_ diuisien voirs_ vercleert staen van poente te poente in oepen brieuen bezegelt met wthangenden zegelen der voirs_ fabriken en_ h_en diederics van + de_ heetuelde dair de date af spreect / gegeue_ jnt jair ons h_en dusentich . drie + hondert viue en_ tneghentich op + den yersten dach der maent van meerte . Soe eest dat om de meerre zekerheit malc and_en van allen den voirs_ poenten articlen en_ diuisien jn + den voirs_ opene_ brieue vercleert te doene en_ van elken besunder dat come_ sijn in propren p_sone_ vo_e ons h_ gielijs geheten brune priester prochiaen en_ kercmeester der fabriken voirs_ jan geheten fraybaert en_ jacop geheten taye oec kercmeest_en der seluer fabriken jn + den name en_ van + d_ voirs_ fabriken wegen / Ende de voirs_ h_ diederic van + den heetuelde vo_e hem seluen en_ hebben malc and_en geloift van allen den voirs_ voerwaerden poente ende diuisien in + den voirs_ brieuen vercleert ende va_ elken sunderlingen wairscap en_ altoes genoech te doene op~datter yet ane gebrake / Jn orconden der wairheit hebben wij Scepen_ voirs_ onse zegele desen jegewerdigen l_ren doen aen~hangen Gegeue_ jnt jair ons h_en dusentich drie + hondert Sesse en_ tnegentich / Op + den dertiensten dach van meye -