Corpus Van Reenen-Mulder (CRM14): Oorkonde P065p39605

Wj gielijs de brune prochiaen van sente goedelen prochie in bruessele jan fraeybart en_ jacob taye kercmeesters der seluer kerken van sente goedelen doen cont allen luden dat wj ontfaen hebben in aelmoesene_ der voirs_ kerken behoef van joncfrouwe magriete_ boets jans boets dochter wilen was achtien cheins~gulde_ oft de weerde dair af in ander_ goede_ ghelde Mette_ welke_ Ende met ander_ ghelde dair toe + ghedain . wij hebben ghecocht en_ vercreghe_ jairleex en_ erfeleex seghen janne h_tewijch . viere en_ eene_ halue_ cheins~mott_ die ons sijn bewijst op een hofstat met eene_ huyse dair op staende gheleghen in een strate gheheten tuss_~dach~en__~nacht tuss_ de goede jans pet_s aen deen side en_ de goede gilijs keersmakers aen dander side ghelijc scepene_~brieue_ van bruessele jnne~hebben die wij dair af ontfaen hebben . wair~by wij . kercmeesters voirs_ ghelouen voir ons en_ voir onse nacomelinghe die ten tide sijn selen van + der voirs_ kerken weghe_ te gheuene en_ te betalene alle jare der voirs_ joncfrouwen magriete_ boets also langhe al sij leuen sal en_ niet langhere eene_ cheins~gulde_ oft de weerde dair af in ander_ goeden ghelde dats te wetene deen heelecht te kersauonde en_ dander heelecht te sente jans + misse naestuolghende Ende o_me~dat dit vaste en_ ghestade sal bliuen Soe hebben wj kercmeesters voirs_ dese l_ren beseghelt mette_ seghele der voirs_ kerken Ghedain jnt jare ons heren dusent drie + hondert sess en neghentech dertien daghe in octobrj