Corpus Van Reenen-Mulder (CRM14): Oorkonde P112p37301

Uore ons houghen meydoghen houghen van berle Goris meydoghen en_ janne grut_en als Scepenen van lewe Ghestaen daer + o_me Ghiisbrecht van + den scou_stene jan van huwaghen otte wisselere en_ ard bake tuychden met manis adaems van orsmale meyers van lewe op haren eet ghemaent zedeleec dat vortiits een tebat was tuschen di stat van lewen op deen zide / En_ die baghinen van lewe op dand_ zide / als van oer beden die onse lieue ghemi_den here van brabant hadde in zinen lande ou_mits dorloghe / dat hi ghehad hadde tgeghen den here den Graue van vlaend_en in die~welke di stat van lewe haren last draghen moeste / en_ aensaghen die beghinen van lewe dat si des hen mett_ stat van lewe laden wouden gheliic Si tand_en tiden in and_en beden ghedaen hadden / wes die beghinen en weerden en_ des Si en_ die Stat onder hen beyden in brabant veruolchden vo_e ons_ lieuen ghemi_den here van brabant zinen goeden raet en_ mett_ goeden steden / Soe dat in + den inde der stat van lewe waert aenghewiist te filuorden bi ons_ ghemi_den here zinen goeden raet vors_ / nae ?ems dat die stat van lewe vors_ te dier tiit daer op dade / dat die beghinen van lewe alsulken last helpen souden draghen en_ ghelden der stat vors_ gheliic Si voertiits ghedae_ hedden in and_en beden / hier + tinden die beghinen verdroghen mett_ Stat van lewe vors_ met acoerde en_ met payse dat siis droeghen deser voerseyder beden dri + hondert gulden hellinghe oft daer + bi En_ daer + op die joncvrowen die beghinen baden der stat vors_ dat sise riden wouden voerdane als ha_e porterssen / en_ op der joncvrouwen cost / welc dat die stat vors_ / sint ghedaen heeft als siis versocht heeft gheweest Jtem her + died_ic naggher priest_ van lewe tuycht op sinen eet als vore gheseyt es dat hem wel cont es dat een pays ghesproke_ was tuschen die stat / en_ die beghinen vorseyt / en_ dats die beghinen te dier tiit gouden / mar niet en weet hi wieuele / en_ ou_mits dat Si ha_e ghelt Soe sere verreden hadden / en_ ghequist dat Si niet wale al gheghelden en conden met ghereden ghelde En_ die Stat hare met vele pensien om der + seluer beden wille gheladen hadde / Soe waert ha_en died_icke vors_ bewiist . een pont ouder grote liifpensien aen dat co_uent / welke pont grote hi h_ + died_ic vortiits becreghen hadde aen die stat / en_ van + dien ouerwisene Soe heeft die stat van lewe noch goede brieue in haren (onleesbaar) / en_ hi her + died_ic noch brieue sprekende op die stat van dien pont grote lijfpensien vors_ . Jn welgher dinghen ghetuyghenis . wi Scepenen van lewe voerghescreuen onse Scepen_ zeghele dese tgeghewordichghen lett_en hebben gheleyt aen + te + doen Ghegheuen en_ ghescreuen int jaer ons h_en doe + mer screef dusent dri + hondert tseue_tich en_ drie des elfde + daechs van meerte .