Corpus Van Reenen-Mulder (CRM14): Oorkonde P112p37901

Cont Si allen lieden die dese Cedule zelen zien oft hoeren lesen / Dat vo_e ons scepenen te lewe bineden ghescreuen Daer + o_me lichamlec ziin Ghestaen jan gheseyt mertens en_ lambrecht gheseyt poys wetteghe ghetughen ten heyleghen ghesworen zedeleec te manisse Gerarts wissele smeyers te lewe eendrechteleec droeghen ende tuychden / dat Si quamen gheuaren op shertoghen Riuire met jan noudins scepe gheladen bouen h_ + ians van aa te lantwiic / en_ voeren daelwaert / doen Si quamen bi lantwiic op enen diepen colc / sprec hon h_ + ian toe en_ seyde / ghi en sult v . vaeren niet laeten al hier met + den scepe / ic en heb uwer een ziin hande oft ziin voete af~ghehouwen / en_ steec + se . v + . in uwe_ capruyn / en_ dan zaels eerst voete ziin / En_ nam Mertene jan mertens zone vors_ / met + den hoetsloppe en_ werpen in dien colc / daer hi ghenen gront v_reyken en conde / en_ daer hi verdronken hedde / en hedde heme got niet auenture ghegheuen / dat hi vyt quam / En_ Riep voert op dese twe ghetughen vorseyt en_ swoer / waerdi och hier bi ghi sout van + den seluen zoopken zoupen / En_ Riep och suynd_linghen op le_men poyse vors_ / haeren zone ghecreghe ic v . noch te halen / ic slae v . vr nac~been ontwee / en_ dreyghese alsus met desen en_ met and_en woerden / En_ voert mee tughen dese vors_ twe ghetughen / dat in dit selue scip waren twe knapen van aerscot waert / en_ waenden van voerdele gheweest hebbe_ / en_ Riepen h_e h_e wy ziin van aerscot waert laet ons liden / En_ dat doen antw_de hi h_ + ian vors_ / heme en rochte waen Si waeren also lief van aerscot als van lewe oft waen Si weren / hi soude hen tselue doen / en_ allen den ghenen di daer met + den scepe varen souden / och quam daer een knecht van h_ + ians ghesinne vorscr_ en_ seyde dat ziin meest_ ene donrebusse ofte twe noch daer stellen zoude / opt + de scepe en_ sout + se daer scieten en_ in gront sinken met + den goede en_ met alle_ / jn welk_ waerheyt ghetughenis / wy hughe meydoghen jan celliin jan van halle en_ Robeert sabel di + m_ seyt van + den stene scepene_ te lewe ons_ scepenen zeghele desen lett_en hebbe_ aenghedruct / . Jn + den ja_e ons h_en als + men screef dusent dri + hondert tseue_tich en_ neghene in + di maent van aprille des xxi.te daechs .