Lijst
Corpus Van Reenen-Mulder (CRM14): Oorkonde P112p39301
Zoutleeuw, 1393
Het heeft ghekint en_ ghelijt Jan van dyste vrileec en_ oppenbaer en~gheen recht hebbende in twee stucken lants gheleghen te leuwe by castel deen stuc es gheleghen bi + den lande willem loueneers in deen zide en_ jans van aetrode in dand_ zide en_ dander stucke die helecht van eenre haluer zillen lants gheleghen op die linde~strate by lant heinric bachuys die~welke twee stucken lants tubehorende waren gheert gheheyten tgutsman en_ m_grieten sierre wettigher weerdinnen zust_ des voers_ jans van dyste di~welc jan van dyste kende en_ lijdde dat die twee stucken lants gheert tgutsma_ne en_ m_grieten sier weerdinnen in deylinghen gheuallen waren en_ dat die voers_ ian van dyste en~gheen recht daer tuwe en hadde en_ (onleesbaar) ?ich recht daer tuwe dat soe scolde hi quite en_ qu?eerde Voert soe heeft ghekent en_ ghelijt der voers_ jan van dyste dat hem gnoech es ghedaen en_ volcomeleec betaelt heeft ghewest van aerde die mer seyt saliin van + den beemde gheleghen in tgraesbroec dat + men helt te leene in + den hof mijns heren her jans van + der as te buydinghen welken beemt die voers_ jan van dyste vercocht heeft art gheseet saliin en_ alzoe dat die voers_ jan van dyste daer af quiteert en_ quijt + scelt den voers_ aerde saliin der vrouwen berte_ weerdinne jans saliins was en_ vranken pilepeert den jonghen en_ m_grieten sierre weerdinnen dochter jan saliins / Wy robeert van + der steenbeken jan daneels en_ Otto bake scepenen te leuwe m_ ons_ scepene_ zeghelen desen l_ren aenghehanghen tughen jn + den jare ons h_en als + men s?f dusent drie + hondert en_ dri + ende + neghentich jn + de maent van merte des (onleesbaar) daechs