Corpus Van Reenen-Mulder (CRM14): Oorkonde P116p39401

. . Cont siin allen Luden die desen tieghewordighe lett_en sullen siin ende horen . Henric van Gorssembroek . scoutit . ghesat van lambrect Bollis scoutit des dorps van gorssem . Aert Greve der wen_e van Milen Lambrect Marcolf Henric van ways en_ lambrec bollis voers_ schepene des voers_ dorps van gorssem en_ der banc van gorssem Groete met kennisse der waerheyt Wet dat voer ons comen siin aert lathouw_e soen was henrics lathouwers van der nouwerkercken en_ Jan Aerts van baut_shove_ en_ hebben ghekant oppenbaer voer ons dat margrite van der nouw_kercken suster was henrics lathouwers voers_ beghine des hoefs van sinte agneten in ho_en testame_te en_ leesten wille ghelaten en_ ghesat hadde . Jaerlix en_ eerflix achtene aude grote te bewisen van den voers_ aerde en_ Janne ane ho_e eerflike gode . Dats te weten seestene aude grote den h˚yse der voers_ mag_ten ghelege_ op den beghine_ hoef voers_ ane die poerte van + de_ hove voers_ en_ twe aude _ den lumi_aris en_ den gheluchte der kercken des hoefs voers_ . welige xviij . _ _ sij bewijst hebben ane h˚ys en_ hoef met sinen thoebehoerten Jans van den velde en_ lijsbeyden siinre suster ghelegen tieghen die kercke des dorps van + d_ nouwerkercken en_ aen h˚ys en_ hof met siinre toebehoerten herma_s van + d_ voert en_ aen hof Jans custers ter nouwerkercken ghelegen . Te talene en_ te vallene Jaerlix en_ eerflix van den voers_ eerflike op sinte sthevens dach welighe . xviij . aude _ die voers_ aert en_ Jan hebben opghedragen in hant des scoutiten voers_ tot orb_e des voers_ h˚ys en_ des gheluchts met vorwerden hy na ghescreve_ . Dats te weten dat Joffrouwe karherine Dochter was h_en herma_s van vyden beghine wone_de in dat voers_ h˚ys . die voers_ . + xvj . aude _ . die bewijst en_ ghelaten siin den voers_ h˚yse . Jaerlix . als lange als sy leeft heffen sal die voers_ xvj . _ _ tot orb_e des voers_ h˚ys en_ daer mede eerflike renten te copen tot orb_e des voers_ h˚ys En_ ov_mits dese voers_ poenten en_ vorwerden . soe hebben die voers_ aert en_ jan doen goden en_ eerven willem woutghers Jn den name en_ tot orb_e des voers_ h˚ys en_ ghelucs der kercken voers_ Met menisse vo_nisse banne en_ met allen and_e ghewoenlicheyt der banc voers_ behaudelich altoes en yghelics recht waer by dat wij wisen en_ ghewijst hebben dat den voers_ willem in den name voers_ gnoech gheschijt es na ons_ banc recht van den voers_ . xviij auden grote en_ van + den onderpande voers_ behaudelich elcs recht . Jn ghetughenisse der waerheyt soe hebben wij schepenen voers_ desen tieghewordigen lett_en ter beden des voers_ aerts en_ Jans en_ willems woutghers als momboer des voers_ huys en_ lumi_aris onse p_pere sigele aenghehangen Gheg_ in den Ja_e der gheboerten ons h_en . M . + ccc . + xCiiij . des viij daechs van december