Corpus Van Reenen-Mulder (CRM14): Oorkonde P119p38801

Cont si allen liden di desen brief solen sien oft hu_en lesen / dat vor ons jan van putsinghen . jan van miest . jan van den panis . jan bosche . Art van Cruutsen en_ claes ja_mers Scepe_ des hoefs jonker herma_s van gote_ te sunte~la_brechsherke / en_ Cristiaen van miest onsen schoutet siin Come_ bescheyde_ lide wille_ secke_ en_ Reyner peyst_ van der eenre siden / en_ bruder jan swe_nen Covijrs i_ den Eersame cloest_ van herkenrode pita_cie~meester en_ seker bode met ene_ wisen man Gerart squaden mu_ber des vors_ cloesters va_ der and_e siden / weleghe willem en_ Reyner vors_ kenden en_ liden hoers + moets willen dat si schuldich w_en te betalen eerfelec alle jaer te kersmis der pita_cie van herkenrode vors_ vijr gulden ond_ hen beyden drie aud scild vor vijr gulden i_ desen gherekent i_ voghen dats te wete_ Reyner twe gulde_ en_ drie oude groet en_ willem drie groet myn dan twe gulden / En_ vor dese schout te + bat te betalen hebbe_ si ond_pa_t ghesat en iegelijc vort siin / dats te + wete_ Reyner vors_ drie Rode_ wi_nens lans geleghen bi des spape_ + lant van loen met twe siden en_ bi ons jonk_en weyer vors_ met der and_e siden jte_ xxxiij . rode_ wi_ne_s lans en_ een halve geleghen bi den selve_ wyer met der eenre siden en_ bi den land jans van miest met / der and_e siden / en_ bi den land c_stiaens van miest bi der derd_ siden / en_ bi den land jan nael met der and_e . jte_ elf rode_ wi_ne_s lans gelege_ bi den land jans van putsinghen bi deen side / en_ bi den land Arts van den drijsche bi der and_e siden / en_ bi siin selfs lant bi der derder / jte_ een half bonre . lans gelege_ bi den land jan mietellers met twe siden / en_ bi siin selfs lant met twe siden . jn deser vorw_den wert dat sake / dat niet siin en moet / dat dese vors_ wille_ en_ Reyner ghebrekeleec w_en i_ betalen des vors_ Cijs altoes te_ vors_ kersdach so mach dese vors_ pita_cie / ocht huer seker bode de_ vors_ ond_pant doen beclaghen / en_ dene_ Anv_de_ hantplichte_ en_ he_ daer mede behelpe_ / na dat ons banc te Recht steet / Altoes i_ alsulker voghen dat des eens ma_s ond_pant niet beku_mert siin en sal nocht aen~ghesproken / vor des anders ku_mer / Mer en iegelijc sinen cijs v_antw__de_ sal ne ghedelte vors_ / waer + bi wi desen vors_ br˚d_ jan met den vors_ mu_ber guden en_ ghichte_ i_ desen vors_ ond_pand tot orber en_ p_fijt deser vors_ pita_cie van herkenr_ / Gehat i_ deser sake allen Rechte_ solle_pniteyte_ en_ gewonte_ di schuldich siin te geschie_ / en~gheen punt affter~gelate_ na ons_ banc Recht jn ghetuge_nis der waerheyt heb wi Scepe_ vors_ onsen ghemene_ sieghel aen desen brief doen hanghen . behoudelec oec dene tot desen vors_ pu_te_ dat dese vors_ Reyner en_ willem afdoen solen alle vorku_mer en_ last na ons_ ba_c Recht . . Gegheve_ i_ den jaer ons h_en dusent ccc . + lxxxix des leste dachs van decemb_