Corpus Van Reenen-Mulder (CRM14): Oorkonde P173p39801

Allen die~ghene die dese Lett_en sullen siin en_ horen lesen . wij henric Men_ens scoutit ghesat van adame van halmale in d_ banc va_ halmale adaem voers_ stas van halmale henric notelere henric wernijrs . en_ Wouter Gerarts van attenhove_ schepene . d_ voers_ banc . Groete . met ken_isse der waerheyt . Wet dat voer ons comen siin . aert volle van + d_ eenre p_tien . en_ kerstiaen vand_ bijst van + d_ and_e p_tien . Die voers_ . aert heet ghekant voer ons ghekant dat hy vercoght heet . om een seker sum_e coerns die home wale betaelt w_e den voers_ kerstiaen na~dat hy kande dat hy ghecoght hadde een mudde roggen pagabels pachts en_ maten d_ stad van Sintrude_ . Te vallen allen . Jaerre . Jaerlix . en_ eerflixs Jn den hoghetide va_ sinte peters messe in den Oexst Te talen Jaerlix . en_ eerflix te sinte andrijs messe apostels in die stad va_ Sintruden . Jn hore arbeyt en_ cost des voers_ vercopers oft der~gheenre die den ond_pant hy na ghenoempt . ten tiden namaels besitten en_ hantplichten sullen . Ende sond_ lang_ beyden te ons_ vrouwen lijchtmesse den voers_ kerstiane oft sine_ geerve_ . Met vorwerden hy na ghes_ . Dats te weten dat die voers_ aert . d_ vercop_e voer dit voers_ mudde roggen eerflix na dat voers_ te talen en_ te lev_en bewijst en_ ghesatt heet tot en_ ond_pande den voers_ kerstiane den cop_e . beyde siin huysinghe met den hoeven . en_ met allen ho_en thoebehoerten ghelegen te halmale by die keirke . aen die ghemeyn strate en_ die lande . des Proefts van asperen . Welich huysinghe beyde met horen thoebehoerten die voers_ aert verbonden en_ verobligeert heet . weert dat die talinghe dis voers_ mudden rogghen Jn enighen Ja_e nacomende vertrecht worde boven ons_ vrouwen + lijchtmesse . dat dan and_s dachs daerna die voers_ kerstiaen oft siin geerven . oft bring_ des_ lett_en die voers_ huyse . met allen ho_en thoebehoerten . sullen moghen aenspreken en_ verhale_ en_ thoecomen . met enen dach doeyne van . + xiiij + . nachten Soe waer die voers_ aert oft siin geerven . ben_en den xiiij + . nachten niet gheproven en conde_ talinge des voers_ mudde_ roggen . soe soude die voers_ kerstiaen siin geerven oft bring_ des_ lett_en des anders dachs na die xiiij + . nacht tot den voers_ ond_pande thoe~comen hauden hantplicten eerflich vredelich en_ payslic sond_ ymans caleng_en . Jtem soe eest ghevorwert . weert dat sake dat bin_en Jaers en dach . enich . quit_e queme die dit voers_ mudde roggen quite_ woude . die sout quiten voer sinte peters + messe in + den Oexst . met . vijfteen en_ . een half mudde roggen pachts . en_ maten voers_ en_ na sinte peters messe . met d_ sum_en coerns vers_ en_ met . + J mudde roggen Met vorwer~werden hy na ghescreven . dats te weten weert dat sake dat dat coren men gulde elc mudde dan . + xij + . s + . payments grote alst ghequijt worde . soe soude die voers_ . quit_e talen voer elc mudde . + vij + . s + . grote payments en_ weert dat meer gulde soe soude der quiter talen met rogge maten en_ pachts voers_ . mudde voer mudde . en_ met allen der cost die daer op + ghegaen were soe van + de_ lett_en te scriven en_ te sigelen en_ va_ allen and_en coste . Jtem soe heet gheloeft . die voers_ aert voer sich en_ siin nacolinge . dat hy die voers_ huysinghe met hoeren thoebehoerten hauden sal dat sij altoes hoers pachts en_ seys weert sullen siin . En_ ov_mits die voers_ vorwerden soe heet die voers_ aert volle dat voers_ mudde roggen opghedragen in hant mins scoutiten voers_ tot orbere des voers_ kerstiaen . en_ dede den voers_ kerstiane gode_ en_ eerven . Jn dat voers_ mudde roggen en_ in de_ onderpa_t Met menisse des scoutiten von_isse den schene_ en_ banne des vaechts . en_ met allen and_e ghewoenlicheyt der banc voers_ . Jn ghetughenisse d_ waerheyt soe hebben wij scoutit en_ schepene_ voers_ dese_ tieghewordige_ lett_en ter bede_ d_ p_tie_ voers_ onse_ ghemeyne_ sigel aenghehange_ . Gheg_ in den Ja_e ons h_en M + . + CCC + / + XCviij + . des . + xiij + . dachs va_ apprille